| e-texts navigator |
| Wylie |
49b1 བ་ཡིན།། བགྲོད་དང་བྲལ་ཕྱིར་གང་ཡང་མིན།། ཞེས་གསུངས་སོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། སེམས་ཉིད་ཡེ་ཤེས་སུ་ཤར་བར་བསྟན་པའི་ལེའུ་སྟེ་བཅུ་པའོ།། །། དེ་ནས་ཡང་ཉིད་ཀྱི་རང
49b2 བཞིན་གྱིས་ཉིད་ཀྱི་ངོ་བོ་ལ་སྣང་བ་མི་འགོག་པའི་དོན་བསྟན་པ། ཨེ་མ་ཧོ་ངོ་བོ་བདེ་བ་ཆེན་པོ་ཆོས་ཐམས་ཅད་ཡང་དག་པར་རྫོགས་པའི་སངས་རྒྱས་ཀུན་ཏུ་བཟང་པོའི་ཐུགས་ལས་བྱུང་ཞིང་ཐུགས་ཀྱི་སྒྲོན་མ་རིན
49b3 པོ་ཆེའི་བྱུང་ཁུངས་སོ།། ཐུགས་ཡེ་ཤེས་ཀྱི་རང་བཞིན་མི་ཟད་པའི་མཛོད་དོ།། སྟོང་གསུམ་གྱི་སྟོང་འཇིག་རྟེན་གྱི་ཁམས་མཐའ་ཡས་མུ་མེད་པ་ཟད་མཐའི་ཡུལ་དང་བྲལ་བའོ།། སྟོང་གསུམ་མི་མཇེད་ཀྱི
49b4 ཁམས་ཐམས་ཅད་སྟོངས་པའི་དུས་མེད་པ་ཡང་ཀུན་ཏུ་བཟང་པོའི་སེམས་ཉིད་འཕོ་འགྱུར་དང་བྲལ་བའོ།། རིན་པོ་ཆེ་ཙིཏྟ་བརྩེགས་པའི་གའུ་ནས་ཕྱི་ནང་སྣོད་བཅུད་ཀྱི་ཆོས་ཐམས་ཅད་དངས་མ་ཆེན་པོའི་རང
49b5 བཞིན་དུ་གསལ་བའོ།། དེ་ཉིད་ཀྱི་རང་བཞིན་ནི་ཀུན་ལ་གསལ་བར་འབྱུང་བ་ནི། མངོན་སུམ་དུ་གསལ་བ་འདི་གའོ།། ཡང་དག་པར་རྫོགས་པའི་སངས་རྒྱས་ཀྱི་སྐུ་དང་གསུང་དང་ཐུགས་ཉིད་ལ་མ་གཏོགས་པར
49b6 སྲིད་པ་གསུམ་གྱི་ཆོས་གཞན་ནི་མེད་དོ།། འགྲོ་བ་རྣམས་ཀྱི་དོན་སོ་སོར་ཅི་ལྟ་བར་གསལ་བར་གོ་བ་ནི། དེ་བཞིན་གཤེགས་པ་རྣམས་ཀྱི་ཡེ་ཤེས་སོ།། གསུང་མི་ཟད་པ་ལས་སྣང་བ་ནི་སྒྲ་སྐད་ཅི་ལྟར་ཡང་གྲགས་པ
iiif viewer powered by OpenSeadragon
