| e-texts navigator |
| Wylie |
49a1 ནོ།། ཐམས་ཅད་ཆོས་ཀྱི་སྐུ་དང་རང་བྱུང་ཡེ་ཤེས་འབའ་ཞིག་ལ་མ་དག་པའི་སྒོ་བཙལ་དུ་གང་ནས་ཀྱང་མི་རྙེད་པའོ།། ཟག་པ་མེད་པའི་བདེ་བ་ཆེན་པོའི་རོ་ཡང་ཀུན་ལ་སེམས་ཉིད་དུ་ཡོད
49a2 པའོ།། མྱང་བ་དང་མ་མྱངས་པའི་ཁྱད་པར་ཀྱང་སེམས་ཉིད་རང་རིག་གིས་ཕྱེ་བའོ།། འཁོར་བ་དང་སྡུག་བསྔལ་ཡིན་པར་ཤེས་པས་མི་ལེན་མི་སྤང་བའོ།། དེ་ཉིད་བཀྲུས་པས་ཀྱང་མི་འདག་ལ་སྤངས་ཀྱང་མི་སྤོང་སྟེ།
49a3 ནམ་མཁའ་ཉིད་དོ།། རྩེ་གཅིག་སངས་རྒྱས་ཀྱིས་ཕུན་སུམ་ཚོགས་པ་ཡང་དབྱེ་བ་མེད་པའི་ས་འདི་ཉིད་དོ།། སེམས་ཉིད་ཀྱི་ཆ་ལུགས་ནི་ཅིར་ཡང་སྟོན་ཅིང་ཆ་ལུགས་ཐམས་ཅད་པ་སྟེ་སྣ་ཚོགས་ནོར་བུ་རིན་པོ་ཆེ་ལྟ
49a4 བུའོ།། སེམས་ཅན་ཐམས་ཅད་ཀྱི་སེམས་ཉིད་ཁོ་ན་སངས་རྒྱས་ཀྱི་ཐུགས་དང་དབྱེར་མེད་དོ།། དེ་ཉིད་གནས་གང་དུའང་གནས་པ་ལ་ཆགས་གང་དུའང་མ་ཆགས་པའོ།། དབྱིབས་དང་ཁ་དོག་གང་དུ་ཡང་མི་གནས
49a5 ཤིང་ཅིར་ཡང་སྟོན་པ་ནི་ནོར་བུ་ཆུ་དངས་དངོས་ལྟ་བུ་སྟེ། རིན་པོ་ཆེ་ཉིད་ལྟར་སྣང་ཡང་རིན་པོ་ཆེ་ཁོ་ན་སྟེ།། སེམས་ཉིད་གང་དུ་ཤར་ཡང་གཅིག་པོ་ཁོ་ན་ཀུན་འཆར་བའོ།། ཨེ་མ་ཧོ་བདེ་བ་ཆེན་པོ། ཤར་ནུབ་མེད
49a6 པའི་ཉི་མ་ལ།། རང་བྱུང་ཡེ་ཤེས་འོད་དུ་འབར།། རང་འོད་རང་ལ་བསྒྲིབ་སྟེ་མཆིའོ།། དག་པར་ལྟོས་ཤིག་བདེ་བ་ཆེ།། མཐོང་བ་མེད་ན་རྣམ་པར་གྲོལ།། མཐོང་རྒྱུ་བྱུང་ན་ཡ་མཚན་ཆེ།། མཐོང་མེད་མཐོང་ན་མཐོང
iiif viewer powered by OpenSeadragon
