| e-texts navigator |
| Wylie |
48b1 འདུག་པའོ།། མ་དག་པའི་སྐྱོན་དང་བཅས་པའི་དམན་པ་ཐམས་ཅད་ཀྱང་རང་གི་ལམ་ལ་དགོངས་ཏེ་དོར་བར་མི་བྱའོ།། བླང་དོར་མེད་པ་ཉིད་ཆོས་རྣམས་ཀྱི་ནང་ནས་མཆོག་དང་ཕུལ་དུ་བྱུང་བའོ།། བྱང་ཆུབ
48b2 སེམས་ཀྱི་རང་བཞིན་ནི་ཡོངས་སུ་རྒྱ་ཆེ་བའོ།། ནམ་མཁའ་བཞིན་དུ་ཚད་གཟུང་དུ་མེད་དོ།། དབྱིབས་བརྟགས་པས་མི་རྟོགས་སོ།། ཁ་དོག་གསལ་བར་མི་མཐོང་སྟེ།། དོན་དཔག་པས་མི་དཔོག་གོ།། ཐམས་ཅད་ཀྱི
48b3 དངོས་གཞི་ཡིན་པས་མཚོན་བརྗོད་ཀྱིས་འདི་ཁོ་ནར་བརྗོད་པར་མི་ནུས་ཏེ་བརྗོད་པ་ཐམས་ཅད་རང་ལ་རང་སྨྲས་པའོ།། སྒྲ་བརྗོད་མེད་པ་ཉིད་ལས་མཚོན་ཚུལ་གྱི་སྒོ་མི་འགག་པ་ནི་ཐམས་ཅད་ཀྱི་དངོས
48b4 པོའོ།། སངས་རྒྱས་ཐམས་ཅད་ཀྱི་མཐར་ཐུག་ཡེ་ཤེས་ཀྱང་བྱང་ཆུབ་ཀྱི་སེམས་ཀྱི་གསང་བ་དམ་པའོ།། ཐུགས་ཅིར་ཡང་སྤྲུལ་པའི་ཆོ་འཕྲུལ་གྱིས་ངོ་བོ་ཉིད་ལ་ཆོས་ཀྱི་འཁོར་ལོ་བསྐོར་བའོ།། འཁྲུལ་པར་སྣང་བ
48b5 ཡང་གཡེངས་པའི་ཚུལ་གྱིས་འཁོར་ལ་འཁོར་བ་ཉིད་ཀྱང་ཆོས་ཉིད་ལ་འཁོར་ཞིང་ཡེ་ཤེས་ལ་གནས་པའོ།། ཡང་དག་པར་རྫོགས་པའི་སངས་རྒྱས་ཀྱི་སྐུ་གསུང་ཐུགས་ཀྱང་སེམས་ཀྱི་ཆོ་འཕྲུལ་དུ་རང་ཤར་བ་ལས
48b6 རྟོགས་པའི་ལས་དང་ཉོན་མོངས་པ་རང་རྒྱུད་པའི་མིང་ཡང་གདོད་ནས་མེད་དོ།། སེམས་ཅན་སྐྱེ་འགུལ་ཅི་འཁྲུངས་ཡང་སངས་རྒྱས་ཉིད་ཀྱི་སྲས་ཡིན་པས་སེམས་ཅན་བྱ་བའི་མིང་གི་གདགས་གཞི་ཡིན
iiif viewer powered by OpenSeadragon
