| e-texts navigator |
| Wylie |
47a1 གཞག་པ་ནི། གཞི་གང་ལའང་མ་ཞེན་རང་གསལ་བར་སྣང་བ་ལ་དེ་ཆེད་དུ་བྱེད་པའི་རྩོལ་བ་མ་ཞུགས་ཏེ། རྒྱ་མཚོ་དངས་པའི་ནང་ན་སྣང་སྲིད་གསལ་བ་དང་འདྲ་སྟེ་དྲན་པ་དང་རིག་པ་མ་བཀོད
47a2 བཞིན་དུ་ཅིར་ཡང་གསལ་བ་ལ་མིང་འདི་ཞེས་གདགས་སུ་མེད་པའོ།། རིག་པ་ནམ་མཁའི་བྱ་ལམ་དང་འདྲ་བ་ལ་བཙལ་བས་རྗེས་མེད་པ་ནི། བཙལ་བར་བྱ་བའི་ཡུལ་རང་གི་སེམས་ཉིད་ཡིན་ལ་རྩོལ་བར་བྱེད་པའི
47a3 སྒོ་སེམས་ཉིད་གཞན་ལ་བརྟེན་པ་ལྟར་བྱས་ནས། བཙལ་བས་རྗེས་མེད་པ་ནི་ཁྱི་རྐུན་གྱིས་ཁང་སྟོང་བཙལ་ནས་བཟའ་རྒྱུ་ཅང་མི་རྙེད་པ་བཞིན་རང་གི་སེམས་ཤེས་པ་ཁ་ནང་དུ་ལྡོག་ནས་བཙལ་བས་ཅིར་ཡང་མ
47a4 མཐོང་ལ་མིང་གར་ཡང་མ་ཐོགས་ཏེ་གདགས་གཞི་དང་བྲལ་བའོ།། རེག་པ་དངོས་མཚོན་དང་བྲལ་ལ་གང་དུ་ཡང་དམིགས་པ་རྗེས་མེད་པ་ནི་དམིགས་པའི་ཡུལ་མཚན་བཅས་དང་མཚན་མེད་ལ་ནི་དམིགས་པར
47a5 བྱེད་པའི་ཐབས་ཤེས་པ་གཏད་པས་དྲན་པའི་རྗེས་མེད་པ་ནི་གང་ཡང་རུང་བ་ལ་དགག་གཞི་དང་བྲལ་བ་མིག་འབྲུ་ཚུགས་སུ་ཏ་རེ་བལྟས་པས་ཐོག་མར་མཐོང་ལ་ཐ་མར་མི་གསལ་བ་སྟེ། མིག་ནད་ཅན་གྱི་རྒྱང་མིག
47a6 ལྟ་བུ་སྟེ་དམིགས་གཏད་གང་ཡང་མེད་པའོ།། སེམས་ཉིད་འདི་ཁོ་ན་ཅི་ལྟར་ཡང་བསྒྱུར་དུ་བཏུབ་པ་ནི། རྟོད་ཕུར་དུ་གཟུང་བར་བྱ་བའི་རྟེན་དམིགས་བཅས་ལ་འཛིན་པར་བྱེད་པའི་ཐབས་ཤེས་པ་གཏད་པས་མི
iiif viewer powered by OpenSeadragon
