| e-texts navigator |
| Wylie |
46b1 ཡང་མེད་དེ་ནམ་མཁའ་ལ་ཉི་མ་ཤར་བ་དང་འདྲ་སྟེ་འདིར་གསལ་འདིར་མི་གསལ་མེད་པའོ།། དེ་བཞིན་དུ་ལུང་དང་མན་ངག་བལྟ་བསྒོམ་རྣམ་པ་གཉིས་ཀྱི་ཐག་བཅད་ནས་ཐམས་ཅད་དུ་བྱང་ཆུབ་ཀྱི་སེམས་བདེ
46b2 བརྡལ་བའི་དོན་དུ་ཁྱབ་གདལ་བའོ།། ཆོས་ཐམས་ཅད་དབྱིངས་མི་འགྱུར་བའི་ཀློང་ན་གབ་པ་དེ་མན་ངག་དང་དགོངས་པ་རྣམ་པར་དག་པས་རང་ལུགས་ཆེན་པོའི་དོན་མངོན་དུ་ཕྱུང་བ་ནི། འཁོར་ལོས་སྒྱུར་བའི
46b3 རྒྱལ་པོ་དམུས་ལོང་མིག་ཕྱེ་བ་བཞིན་ཏེ། སེམས་ཅན་གྱི་ཤེས་པ་ཉིད་མ་བསླད་པའི་ཆོས་ཉིད་དུ་རྟོགས་པ་འཆར་བའོ།། རིག་པ་གང་ལ་ཡང་མ་ཆགས་པར་རང་བྱུང་ཡེ་ཤེས་སུ་ཐོལ་བྱུང་བ་ནི་ངོ་བོ་གཞི་ལ་རིག་པ
46b4 ཉིད་ཅིར་ཡང་མི་གནས་པ་ལ། ལམ་ཅན་གྱི་ཆོས་གང་ལ་ཆགས་པ་མེད་དེ་གླང་པོ་ཆེ་སྨྱོན་པ་བཏགས་ན་འཕྲོས་ཤིང་བཏང་ན་འདུག་པ་དང་འདྲ་སྟེ། རིག་པ་བྱང་ཆུབ་ཀྱི་སེམས་བསྡུས་ན་འགྲོ། ཡན་པར་བཏང་ན
46b5 རང་ལྡོག་པ་སྟེ་རང་བྱུང་རང་ཤར་མི་འགག་པའོ།། རིག་པ་ཅིར་སྣང་ཡང་གང་ཡང་མི་སྤང་ཟུག་ཕྲད་པ་ནི། རིག་པའི་གཞི་རང་སར་གྲོལ་བ་ལ་རྐྱེན་ཐམས་ཅད་སྐུལ་མར་ཤེས་ན་མེ་འབར་བ་ལ་ཤིང་བསྟན་པ་ལྟ
46b6 བུའོ།། ངོ་ཤེས་པའི་མི་དང་འཕྲད་པས་ཐེ་ཚོམ་མི་ཟ་བ་བཞིན་དུ་དྲན་པ་དང་རིག་པ་ཅི་འགྱུས་པ་ཐམས་ཅད་ཡེ་ཤེས་ཟང་ཐལ་ཆོས་ཉིད་ཐུག་ཕྲད་དགག་བསྒྲུབ་མེད་པའི་རིག་པ་ལ་བཏང་གཞག་མེད་པར་ཅོག་གིས
iiif viewer powered by OpenSeadragon
