| e-texts navigator |
| Wylie |
45b1 བགྲང་བའོ།། དེའི་དོན་བསྟན་པ་ཡང་རིམ་པ་བཞིན་དུ་བསྟན་པའོ།། རིག་པ་ནམ་མཁའ་ལ་ཟད་མི་ཤེས་པར་རོལ་པའི་ཆོ་འཕྲུལ་ནི་རིག་པ་རླུང་ལ་རྒྱུ་བའི་ཆོ་འཕྲུལ་ལོ།། དོན་དུ་གང་དུ་ཡང་ཕྱིན་པ་མེད་ཅིང་གང་དུ
45b2 ཡང་སོང་བ་མེད་དེ་འདས་པའི་ཡུལ་དུ་ལྟུང་བའི་ས་ནི་རིག་མ་རིག་ངོ་བོ་གཅིག་ལ་རྐྱེན་གཉིས་སོ།། རྐྱེན་གྱུར་ལས་ཀྱང་ཐུགས་རྗེའི་དབང་གིས་ཡུལ་དང་ཡུལ་ཅན་སོགས་ཀྱི་རྐྱེན་གྱིས་མི་ཕྱེ་ཡང་རིག་པའི་ཡེ་ཤེས
45b3 ལ་ལས་དང་ལས་ལས་བྱུང་བ་རང་ཡང་མེད་དེ་རྒྱུ་རྐྱེན་ལས་ལས་མ་བྱུང་བའི་ཤེས་པ་ཆོས་སྐུ་རང་གསལ་དུ་གདོད་ནས་གནས་པའོ།། དེ་ལས་ཡེངས་པའམ་བརྗེད་པའི་ཚུལ་གྱིས་ནི་འཁོར་བར་འཁྱམས་པ་ཡིན་པ་ལ
45b4 དྲན་པའམ་རིག་པའི་ངོ་ཤེས་པའི་ཚུལ་གྱིས་ནི་མྱ་ངན་ལས་འདས་པའོ།། དེ་ཡང་གསལ་བྱེད་ཀྱི་རླུང་དང་སྒྲིབ་བྱེད་ཀྱི་རླུང་རྒྱུ་བ་ཕྲ་མོ་ལས་འགྱུར་བྱེད་ཀྱི་རླུང་དང་ཤེས་བྱེད་ཀྱི་རླུང་རྒྱུ་བ་སྦོམ་པོར་བྱུང་སྟེ། དེ་ལས་ཞི
45b5 བྱེད་ཀྱི་རླུང་དང་རྩུབ་བསྣོལ་གྱི་རླུང་ཆ་རགས་པར་བྱུང་བས་འཁོར་འདས་ཀྱི་དམིགས་ཕྱེ་སྟེ་རྐྱེན་ནི་རིག་མ་རིག་ཁོ་ནའོ།། རིག་པའི་ཡེ་ཤེས་ཇི་ལྟ་བ་ཐམས་ཅད་མཁྱེན་པ་དང་ཇི་སྙེད་པ་ཀུན་མཁྱེན་པ་ནི་མྱ་ངན
45b6 ལས་འདས་པའི་ཡེ་ཤེས་སོ།། ལྷན་ཅིག་སྐྱེས་པ་དང་ཀུན་ཏུ་བརྟགས་པའི་མ་རིག་པ་ནི་དུག་ལྔ་འཁོར་བའི་རྐྱེན་གྱི་རྒྱུའོ།། རྐྱེན་གྱིས་རྐྱེན་བྱས་འབྲས་བུ་སྡུག་བསྔལ་དུ་བྱུང་བ་ནི། ཤིང་རྟའི་འཕང་ལོའམ། ཟོ་ཆུའི
iiif viewer powered by OpenSeadragon
