| e-texts navigator |
| Wylie |
445a1 མཁན་ལ་རས་གཅོད་བྱེད།། དེ་ནི་དབང་གིས་འཚིག་པར་བཤད།། གསང་མེད་བརྗེད་ངན་དབང་མི་འཆགས།། དད་མེད་གཡེལ་རྨུགས་དབང་གི་འགོས།། སྣོད་མེད་བཅུད་བྲལ་ཀུན་སྟོངས་པ།། དེས
445a2 ནི་དབང་ཐོབ་མ་ཡིན་ནོ།། སྣོད་ལྡན་བཅུད་རྫོགས་དབང་ཐོབ་ན།། དབང་མཆོག་ཐོབ་པའི་རྒྱུ་ཞེས་བཤད།། ཅེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་དབང་གི
445a3 ལེའུ་ཞེས་བྱ་སྟེ་སུམ་ཅུ་རྩ་གཉིས་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དང་།། སེམས་དཔའི་རྡོ་རྗེ་དམ་པ་རྒྱུད་ཀྱི་རྒྱལ་པོ་ཆེན་པོ་ཀུན་འདུས་རིག་པའི་མདོ་དང་བཅས་པ
445a4 ཆོས་ཐམས་ཅད་ཀྱི་མེ་ལོང་ཡིན་པར་རིག་ནས།། འདུས་པ་ཕལ་མོ་ཆེའི་འཁོར་རྣམས་ཀྱིས་ཤིན་ཏུ་ངམ་ཞིང་ངོ་མཚར་སྐྱེས་ནས།། བཏོད་པ་ཤིན་ཏུ་དགའ་བ་ཆེམ་པོའི་གླུ་གསུངས་སོ།། ཨེ་མ་ཧོཿཉེས་བཅོམ་ལེགས
445a5 ལྡན་མཚན་ཞི་མཐའ་ལས་འདས།། དཔག་མེད་བྱམས་སྙོམས་དོན་གྱིས་བདག་གཞན་དཔལ།། དོན་དམ་གསང་སྦས་ནམ་མཁའི་དཀྱིལ་དུ་འཁྱིལ།། རྡོ་རྗེ་ཆེ་མཆོག་དབང་ཕྱུག་ཀུན་གྱི་བདག། འཛིན་པ་མི་རྟོག་ཤ
445a6 རུས་ཁྲག་ལ་རོལ།། ཐུགས་ཀྱི་གདུང་ཐག་འཁོར་བའི་མཐའ་ལ་རྗེ།། ཡུལ་མེད་མ་སྐྱེས་མཚན་མའི་གཡུལ་ལས་རྒྱལ།། བདེ་མཆོག་རྒྱལ་པོ་ཁྱོད་ལ་ཕྱག་འཚལ་བསྟོད།། ཤེས་རབ་ཆེན་པོ་ནམ་མཁའི་ཉི་མར
iiif viewer powered by OpenSeadragon
