| e-texts navigator |
| Wylie |
444b1 བྱ།། རྒྱལ་བ་སངས་རྒྱས་ཐམས་ཅད་དང་།། དབང་ཐོབ་དེ་གཉིས་གཅིག་པའི་ཕྱིར།། རིག་འཛིན་རྡོ་རྗེ་རྩལ་གྱི་དབང་།། རྡོ་རྗེ་མིང་ནི་སྦྱིན་པར་བྱ།། བསྒྲུབ་པའི་དབང་དང་རྫས་མཆོག་དང་།། གསང་བའི་བདག་པོ
444b2 ཡིན་པས་ན།། གསང་བའི་དབང་མཆོག་སྦྱིན་པར་བྱ།། དགའ་བ་བྱང་ཆུབ་སེམས་ཆེན་པོ།། ཀུན་ཏུ་ཚིམ་པར་བྱེད་པ་ཡི།། དཀར་དམར་ལྷག་པའི་བྱང་ཆུབ་སེམས།། དབང་ཐོབ་དེ་ཡི་ལྕེ་ལ་གཞག། བཙལ་མེད་བྱང
444b3 ཆུབ་སེམས་ཆེན་པོ།། ཤེས་རབ་ཆེན་པོའི་རྩལ་གྱིས་ནི།། ཆོས་སྐུ་སྒྱུ་མར་དབང་སྒྱུར་ནས།། རྩལ་ཆེན་རྫོགས་པའི་དབང་ཡིན་པས།། རྫས་དང་ཚིག་དང་གང་ཟག་དང་།། ཀུན་རྫོབ་དབང་དེ་མ་ཐོབ་ཀྱང་།། ཆོས་ལ
444b4 སེམས་ཀྱི་དབང་ཐོབ་ནས།། རྒྱལ་བའི་རིག་འཛིན་ཐམས་ཅད་དང་།། སྲིད་གསུམ་དབང་ཅན་ཐམས་ཅད་ཀུན།། དེ་ལ་དབང་ཐོབ་བསྐུར་བར་འགྱུར།། དབང་གི་ཚད་ནི་འདི་ལྟ་སྟེ།། དད་ལྡན་སྲི་ཞུར་ལྡན་པ
444b5 ལ།། གསང་བ་ཉན་པའི་དབང་ཆེན་བསྐུར།། རྣམ་བཞི་ལས་ཀྱི་དོན་ཚང་ན།། ལས་རྣམས་བྱེད་པའི་དབང་ཐོབ་བོ།། ལྟ་བའི་དམིགས་བུས་ཆོས་མཐོང་ན།། རྒྱལ་ཐེབ་འཆད་པའི་དབང་ཐོབ་བོ།། རྐྱེན་ཐུབ་ཚད་མ
444b6 གསུམ་ལྡན་ན།། བླ་མ་རྡོ་རྗེ་སློབ་དཔོན་དབང་།། དམ་པ་མཛོད་གསུམ་ཐམས་ཅད་ལ།། ཕྱོགས་མེད་པར་ནི་འཆད་ཤེས་ནས།། རབ་འབྱམ་རྒྱལ་པོའི་དབང་འཐོབ་བོ།། དད་མེད་བློ་ཞན་རྫོབ་པ་ཆེ།། ཚུལ་འཆོས
iiif viewer powered by OpenSeadragon
