| e-texts navigator |
| Wylie |
444a1 ཡི།། རྟགས་ཆན་གའུ་རྣམ་པ་གསུམ།། དམར་ཆེན་དག་གིས་བཀང་ནས་ཀྱང་།། དབང་ཆེན་ཐོབ་དེའི་ལག་ཏུ་སྦྱིན།། སྲིད་གསུམ་སྒྲོལ་བར་བྱ་བ་ཡི།། དབང་མཆོག་ཆེན་པོ་སྦྱིན་པའི་ཕྱིར།། ཀ་ཏར་ལ
444a2 སོགས་མཚོན་ཆ་རྣམས།། དབང་ཐོབ་དེ་ཡི་ལག་ཏུ་སྦྱིན།། འཁོར་བའི་ཆོས་ལ་ཅིར་སྤྱད་ཀྱང་།། སྐྱོན་གྱིས་གོས་པར་མི་འགྱུར་བའི།། རྟགས་ཀྱི་ཕྱག་རྒྱ་ཆེན་པོ་ནི།། རྣམ་དག་རྫས་ཀྱི་པདྨ་སྦྱིན།། ལས་རྣམས་རྫོགས
444a3 པར་གྱུར་པ་ཡི།། དབང་མཆོག་ཐོབ་པའི་རྟགས་ཆེན་ནི།། སྟི་རའི་དབྱུག་པ་ཆེན་པོ་དག། དབང་ཐོབ་དེ་ཡི་ལག་ཏུ་སྦྱིན།། ཡུམ་དང་གཉིས་མེད་འཁྲིལ་བ་ཡི།། ཆོས་ཉིད་དོན་དང་གཉིས་མེད་རྟགས།། སྦྲུལ་ནག
444a4 འཁྲིལ་བའི་ཆུལ་པོ་འདི།། དབང་ཐོབ་དེ་ཡི་ལག་ཏུ་སྦྱིན།། གསང་བ་སྦྱོར་བའི་ཤེས་རབ་མ།། དྲི་མེད་རྣམ་དག་ལྷ་མོ་ཞིག། མཚན་ལྡན་ཤིན་ཏུ་བརྒྱན་བྱས་ལ།། དབང་ཐོབ་དེ་ལ་སྦྱིན་པར་བྱ།། དབང་ཐོབ་རྒྱལ་པོ
444a5 ཆེན་པོ་དེ།། ཀུན་གྱི་བདག་པོ་ཡིན་པས་ན།། རོལ་མོ་དྲི་དག་ཞེས་ཟས་དང་། འདོད་ཡོན་ལྔ་ལ་སོགས་པ་དང་།། ཉེ་བའི་ལོངས་སྤྱོད་རྒྱན་རྣམས་ཀུན།། ཐམས་ཅད་ཐམས་ཅད་སྦྱིན་པར་བྱ།། སྒྲུབ་པའི་རྒྱལ་པོ་དེ་ལ
444a6 ནི།། སྒྲུབ་པའི་ལས་ལ་དབང་ཐོབ་ཕྱིར།། རྡོ་རྗེ་སེམས་དཔའ་ལ་སོགས་པ།། རྒྱལ་བ་ཐམས་ཅད་བསྒྲུབ་པ་དང་།། རྡོ་རྗེ་ཚེ་དང་སྨན་ལ་སོགས།། སྒྲུབ་པ་མ་ལུས་སྒྲུབ་ཤིག་ཅེས།། བསྒྲུབ་རྫས་ཐམས་ཅད་སྦྱིན་པར
iiif viewer powered by OpenSeadragon
