| e-texts navigator |
| Wylie |
442a1 བཀའ་རྟགས་ཕྱག་རྒྱའི་དབང་།། སྐུ་ལྔ་ཡོངས་སུ་རྫོགས་པར་འགྱུར།། རིགས་རྣམས་སོ་སོའི་རྒྱུད་འཛིན་ཅིང་།། རྟགས་ཀྱི་མཚན་མ་ཆེན་པོ་ནི།། སྦྱོར་བ་ཆེན་པོའི་ཕྱག་མཚན་ཏེ།། དམ་ཚིག་ཕྱག་རྒྱ
442a2 རྫོགས་པར་འགྱུར།། ཤེས་རབ་གཟུངས་ཀྱི་གསང་མཆོག་ནི།། དོན་དང་ལྡན་པར་གྱུར་པ་ཡི།། མཐ་གཉིས་དག་ཏུ་མི་གཏོང་བའི།། གཟུང་མའི་རྒྱལ་མོ་ཆེན་མོ་ཡིན།། གཉིས་མེད་ཡོངས་སུ་རྫོགས་པ་ནི།། ཐམས
442a3 ཅད་བདེ་བ་ཆེན་པོའི་ངང་།། བྱང་ཆུབ་སེམས་དང་དོན་དང་འབྲེལ།། ཤེས་རབ་ཆེན་པོ་རྫོགས་པའི་དབང་།། བཀྲ་ཤིས་ཆེན་པོ་བུམ་པ་ནི།། བདེ་གཤེགས་བཞུགས་པའི་ཕོ་བྲང་སྟེ།། དཀྱིལ་འཁོར་རྫོགས་པར་གྱུར
442a4 པ་ཡི།། དབང་ཆེན་དེ་ལ་སྦྱིན་པར་བྱ།། གསང་བའི་བསྟན་པ་རྒྱས་ནས་ནི།། ཡུན་རིང་གནས་པར་འགྱུར་བ་ཡི།། བཀྲ་ཤིས་རྫས་ཀྱི་དབང་མཆོག་ཀྱང་།། གནང་བ་ཆེན་པོ་སྦྱིན་པར་བྱ།། དོན་རྣམས་གྲུབ་པར་འགྱུར
442a5 བ་ཡི།། འདོད་དགུར་རེ་སྐོང་རིན་པོ་ཆེ།། རྒྱལ་སྲིད་རིན་ཆེན་སྣ་བདུན་གྱིས།། རྒྱལ་པོ་མཆོག་ཏུ་དབང་བསྐུར་རོ།། རིན་ཆེན་པདྨ་སེང་གེའི་ཁྲི།། བླ་མར་གྱུར་པའི་གནད་མཆོག་དེ།། ཁྱད་པར་ཆེན་པར་གྱུར་པའི
442a6 དབང་།། ཁྲིན་ཆེན་དག་ལ་གཞག་པར་བྱ།། ཅོད་པན་མེ་ཏོག་ཕྲེང་ལ་སོགས།། དབང་མཆོག་བརྗིད་པའི་རྒྱན་གྱིས་བཀླུབས།། དབུ་རྒྱན་དོ་ཤལ་སེ་མོ་དོ།། དཔུང་རྒྱན་རླུང་གདུབ་ལག་གདུབ་རྣམས།། དབང་ཐོབ
iiif viewer powered by OpenSeadragon
