| e-texts navigator |
| Wylie |
440b1 ཀུན།། སྣོད་དུ་གྱུར་པ་ཀུན་བསྡུས་ནས།། བྱང་ཆུབ་མཆོག་གི་སེམས་བསྐྱེད་དེ།། ཚིག་འདི་བརྗོད་དེ་གནས་པར་བྱ།། ཨེ་མ་བདེ་མཆོག་དགའ་ཚུལ་འདིར།། བདག་ཅག་ཀུན་དུ་འཇུག་པར་འཚལ།། དགའ་བ་བྱང
440b2 ཆུབ་སེམས་བསྐྱེད་ནས།། གསང་བའི་དོན་འདི་སྤྱད་པར་བགྱི།། དེ་སྐད་གསོལ་ཏེ་ཞུས་པ་དག། གསང་བའི་མཆོག་གི་བདག་པོ་ཡིས།། རྒྱུད་སྦྲང་རྒྱུད་དྲུག་ལས་སྒོ་གཅད།། རིག་པ་འཛིན་པའི་རྣལ
440b3 འབྱོར་ཀུན།། དཀྱིལ་འཁོར་ཆེན་པོ་གསལ་བཏོན་ཏེ།། ཕྱག་རྒྱ་དབང་དང་བཅས་པ་ཡི།། འཁོར་བའི་རྒྱུད་རྣམས་སྦྱང་བར་བྱ།། འཇུག་པ་དེ་ཡི་གནས་ལྔ་དུ།། རྒྱུད་དྲུག་ས་བོན་བསྐྱེད་ནས་ཀྱང་།། ཨོཾ་ལྔ་དག་གིས
440b4 གནན་པར་བྱ།། བཅུག་པ་དེ་ཡི་སྤྱི་བོར་ནི།། པ་ཡི་ཡེ་ཤེས་ལ་བསྐྲུན་པ།། པདྨ་ཁ་བཞི་ལྟེ་བ་ལ།། མི་དང་ལྷ་ཡི་ས་བོན་དགོད།། ཤར་ལྷོ་ནུབ་དང་བྱང་དག་ཏུ།། ལྷ་མིན་དུད་འགྲོ་ཡི་དྭགས་དང་།། དམྱལ་བ་རྣམས་ཀྱི
440b5 ས་བོན་གདབ།། ཧཱུཾ་གི་ལམ་སྒོ་གཅད་པར་བྱ།། ལག་གཉིས་མཐེའུ་ཆུང་མཐེ་བོས་མནན།། སོར་མོ་གསུམ་སྦྱར་དམྱལ་བར་བསྣོལ།། ལྷ་དང་ལྷ་མིན་གནས་དག་ཏུ། མི་གཏོང་བཟློག་པའི་ཕྱག་རྒྱ་ཡིན།། ལག་གཉིས
440b6 བསྣོལ་ནས་མཚན་ཁུང་བསྡམ།། མི་ཡི་ཁམས་ནས་བཟློག་པའི་རྒྱ།། ཁུ་ཚུར་བཅངས་ཏེ་འབྲུ་བསྒྲེང་ནས།། གཡོན་གྱི་སྟེང་དུ་མནན་པ་འདི།། བྱོལ་སོང་གནས་ནས་བཟློག་པའི་རྒྱ།། ཐལ་མོ་མཉམ་སྦྱར་གུང་རྩེ
iiif viewer powered by OpenSeadragon
