| e-texts navigator |
| Wylie |
43a1 གཞན་ན་མེད་པའི་ང་རྒྱལ་ཏེ། རང་ལས་གཞན་དུ་རྟོག་པའི་བླུན་པོས་བལྟ་བ་ལ་ཕྲག་དོག་པ་ནི་གང་གིས་ཀྱང་སྤང་དུ་མེད་པའོ།། དུག་ལྔ་ལམ་དུ་ཁྱེར་བ་ནི། འབྲས་བུ་ཚིག་ཆོད་ཀྱི་ས་པ་སྟེ་ཡེ་ཤེས
43a2 ཆེན་པོའི་རང་བཞིན་དུ་ཁྱབ་གད་ལ་བའོ།། ཡེ་ཤེས་ཆེན་པོའི་ཀློང་ནི་ཐམས་ཅད་ཀྱི་འབྱུང་གནས་སམ་འབྱུང་གཞི་སྟེ་རྒྱུ་རྐྱེན་འབྲས་བུ་གང་ཡང་མ་འགགས་པའི་སའོ།། ཐར་པའི་ལམ་ནི་ཐམས་ཅད་ནས་ཐམས་ཅད
43a3 དུ་འབྱུང་གཞི་མ་འགགས་པ་ཐམས་ཅད་ལ་བྱའོ།། ཨེ་མ་ཧོ་བདེ་བ་ཆེན་པོ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་འབྱུང་གཞི་ནི་རིག་པ་མི་འགག་པ་སྟེ།། དུས་དེར་བྱང་ཆུབ་ཀྱི་སེམས་སྐྱེས་སོ་ཅོག་ཇི
43a4 སྲིད་འཁོར་བའི་ཆོས་སུ་སྣང་བ་ཡང་དེ་ཉིད་དོ།། ཕུང་པོ་དང་སྐྱེ་མཆེད་རྣམ་པར་དག་པའི་བྱང་ཆུབ་སེམས་དཔའ་དང་། ནམ་མཁའ་དང་མཁའ་དག་པའི་རྒྱལ་བ་ཐམས་ཅད་ཀྱང་རིག་པ་རང་གི་མཐོང་སྣང་རྣམ་པར
43a5 ཤར་བའོ།། ས་དང་ལམ་ཐ་དད་པར་བགྲང་བ་ནི་བློ་ཆུང་བའི་གང་ཟག་སྟེ་ནམ་མཁའ་ལ་སྟེགས་ཚོལ་བ་དང་འདྲའོ།། རྐྱེན་འགྱུར་ལས་ཀྱི་དབང་གིས་སོ་སོར་སྣང་བ་ནི་ནམ་མཁའི་ཟླ་བ་དང་འདྲའོ།། ཡན་ལག་གང
43a6 ཡང་མེད་པར་སྣ་ཚོགས་སུ་འགྲོ་བ་ནི་རླུང་ཡིད་ཀྱི་ཤུགས་ཅན་ནོ།། རྟོགས་པའི་བློ་དང་ལྡན་པ་ནི་སངས་རྒྱས་ཉིད་ཀྱི་དགོངས་པའོ།། འདོད་པའི་ལོངས་སྤྱོད་ཐམས་ཅད་ཀྱང་རང་གི་རྒྱན་དུ་ཤར་ནས་རང་ལ་རང
iiif viewer powered by OpenSeadragon
