| e-texts navigator |
| Wylie |
439b1 ཉིད་དང་དུ་མི་དམིགས་ཀྱང་།། རྣལ་འབྱོར་མཆོག་གི་བསྐུལ་བའི་ཚེ།། ཐུགས་རྗེ་ཆགས་པའི་དམངས་ཕྱུང་ནས།། སྲོག་རྩོལ་དྲན་རིག་གསུང་གསུངས་ལྟར།། མགུར་ཆུ་ཡན་ལག་འགུལ་འགུལ་ལྟར།། རྡོ་རྗེ་ཡི་གེར
439b2 འབྲུ་འབར་ལྟར།། གུག་སྐྱེད་ཀླད་ཀོ་ཚེག་པར་ཕྱིན།། ར་རི་ཁལ་ཁོལ་སྒྲིབ་མེད་པ།། ཡེ་ཤེས་དོན་ལ་མཁྱེན་རིག་རྒྱས།། དེ་ལྟ་མོད་ཀྱང་འདུལ་དབང་གིས།། རྒྱལ་བ་སྐུལ་བའི་ས་ལ་གཞེས།། རྣལ་འབྱོར་གསོ་བའི
439b3 ཆོ་ག་བྱེད།། ལྷ་དང་གཅིག་གུ་བྱ་བའི་ཕྱིར།། བཟླས་བརྗོད་གངས་དང་བསྙེན་པ་དང་། སྦྱོར་བས་དོན་ལ་ཉེ་བར་འགྱུར།། འདི་ལྟར་སྟོར་བའི་དུས་དག་ན།། བྱིན་བརླབས་ཕེལ་སམ་ཉེ་བ་ཡི།། རྟགས་སམ་དྲོད་དམ
439b4 མཚན་མ་ནི།། རྣལ་འབྱོར་ཉིད་དང་བསྒྲུབ་རྫས་དང་། ཡོད་མཐོང་སྒྲ་ཐོས་ཀུན་ལ་འབྱུང་།། ལུས་ཀྱི་དྲོད་དང་རྨི་ལམ་དང་།། སེམས་ཀྱི་རྟགས་སུ་གསལ་བ་དང་།། དབུགས་དག་ལ་ཡང་ངེས་པར་འབྱུང་།། ཤིང་བལ
439b5 ལྟ་བུར་ཡང་པ་དང་། མི་བདེའི་གནོད་པ་བྲལ་བ་ཡིན།། རེག་པ་ཏིང་འཛིན་གསལ་བ་དག། རྨི་ལམ་དུ་ཡང་མྱོས་པར་འགྱུར།། དང་ཞིང་དག་ལ་མགུ་བ་སྐྱེ།། གདུང་བའི་བྱང་ཆུབ་སེམས་སྐྱེས་ཤིང་།། ངོ་མཚར་སྐྱེས
439b6 པ་དེ་ཉིད་དོ།། འགྱུར་བའི་དབུགས་གསལ་དབང་ཐོབ་སྟེ།། དགག་དང་དབྱུང་བ་ཇི་ལྟ་བའོ།། རྫས་ནི་འབར་དང་འཕར་བ་དང་།། དྲི་དང་འོད་འབྱུང་རོ་མཆོག་སྐྱེས།། མི་ཟད་མང་དུ་འཕེལ་བ་དང་།། མངར་འཇམ
iiif viewer powered by OpenSeadragon
