| e-texts navigator |
| Wylie |
438b1 འབར།། རིན་ཆེན་ཡི་གེ་འབྲུ་བརྒྱད་གསལ།། དཔལ་ཆེན་རིན་ཆེན་འབར་བའི་ཐུགས།། དཔལ་བེའུ་སྨན་པོ་ཟུར་བརྒྱད་ལས།། གསེར་གྱི་ཉི་མ་དགུ་ཤར་བ།། འོད་ཟེར་རུ་ལུ་ཡིག་འབྲུ་བརྒྱད།། རྡོ་རྗེ་འབར་བའི
438b2 རླིང་སྒྲོམ་དུ། ཤིན་ཏུ་འབར་འཕྲོ་འཁྲུག་བྱས་ཏེ།། སྤྲོས་པས་རྣམ་འབྱོར་དབང་ཕྱུག་གི། ན་ས་གཡས་སུ་དྲང་བར་བྱ།། བོ་རོ་ཙ་ནའི་གཞལ་ཡས་སུ།། སེན་ཟླུམ་ཙམ་གྱི་རྒྱ་ཁྱོན་ལ། གསེར་གྱི་ཉི་མ་གའུ་དགུ། ཤར
438b3 བའི་དཀྱིལ་ན་ཡིག་འབྲུ་དགུ།། གསལ་བས་འོད་ཀྱི་གཞལ་ཡས་ཁང་།། དངོས་པོའི་བག་ཆགས་ཀུན་བསྲེགས་ཏེ།། སེམས་ནི་གསེར་ཆུ་ཞུམ་མ་བཞིན།། ལྡེམ་ལ་འཚེ་ཞིང་འོད་འབར་བ།། རྩལ་ལས་གྱུར་པའི་ཟླ
438b4 དཀྱིལ་འཁོར།། ཉི་མའི་སྟེང་ན་དཔའ་བེའུ་འབར།། དེ་ལ་རུ་ལུ་འཕྲོ་ཞིང་འདུ།། དཔལ་བེའི་ཙིཏྟ་དཀྱིལ་འཁོར་འདི།། ཡིག་འབྲུ་འབར་བའི་གའུར་གསལ།། པདྨ་འབར་བའི་གའུ་འདི།། ཡི་གེ་ཕྲེང་བ་འཁྱིལ་བའི
438b5 གནས།། དཔེར་ན་མེ་ཏོག་འབར་བ་ལས།། བཅུད་ལེན་བུང་བས་བཅུད་བླང་ཏེ།། རྩི་ཡི་བུར་བུ་སོག་པ་ལྟར།། དཔལ་བེའུ་ཐུགས་ཀྱི་དཀྱིལ་འཁོར་ནས།། རིན་ཆེན་འོད་ཀྱི་མེ་ཏོག་འབར།། རུ་ལུའི་ཡིག་འབྲུ་བཅུད
438b6 ཀྱིས་རྒྱས།། རྣལ་འབྱོར་སེམས་ལས་བྱས་པ་ཡི།། བཅུད་འབྱིན་བུང་མ་མང་པོ་འཕྲོ།། ཕར་ལྡིང་ཡི་གེའི་བཅུད་ཕྱུང་ནས།། ཚུར་ལྡིང་སེམས་ཀྱི་གའུར་བསྟིམ།། དང་པོ་ཤེལ་གྱི་ཁ་དོག་ལ།། ཤིན་ཏུ་གསལ་ཞིང་འཚེར
iiif viewer powered by OpenSeadragon
