| e-texts navigator |
| Wylie |
437a1 ཉི་ཤུ་རྩ་དགུ་པའོ།། །། དེ་ནས་སེམས་དཔའི་རྡོ་རྗེ་དེས་རྡོ་རྗེ་གླུའི་ལེའུ་འདི་གསུངས་སོ།། འདིར་ནི་རྡོ་རྗེ་རྣལ་འབྱོར་རྣམས།། བསྙེན་པར་སྣང་བའི་དབང་ཐོབ་ནས།། བསྒོམ་དབྱངས་ཡི་གེ་འབྲུ
437a2 བརྒྱད་སྒྲོ།། ཡི་གེ་གླུ་ཡི་རྒྱན་ཡིན་ཏེ།། གླུ་ཡི་ཡི་གེ་བཅུ་དྲུག་ལས།། ཡི་གེ་ཡན་ལག་བསྒྱུར་བསྡེབས་ནས། གླུ་ཡི་བྱེ་བྲག་བསམ་མི་ཁྱབ།། དང་པོར་གླུ་ཡི་དོན་བྱུང་བ།། ཨོཾ་གྱིས་གླུ་རྣམས་རབ་ཏུ་འདྲེན།། ཨོཾ་ཡང་ཨ
437a3 ཡི་ཆོ་འཕྲུལ་ཏེ།། ཨ་ནི་ཆོས་ཀྱི་ཡི་གེ་ཡིན།། ཨ་ལས་ཨོཾ་བྱུང་རྒྱལ་བའི་ཐུགས།། རྒྱལ་བ་ཆོས་ཀྱི་དབྱིངས་ལས་བྱུང་།། ཨ་ལས་ཨཾ་བྱུང་གསུང་གི་མཆོག། གསུང་ལས་གླུ་ཡི་ཡན་ལག་འབྱུང་།། དབྱངས་ཀྱི་ཡན་ལག
437a4 དྲུག་ཅུར་གྲགས།། གླུ་ཡི་ཡོན་ཏན་བསམ་མི་ཁྱབ།། སྔོན་གྱི་རྒྱལ་བ་གླུ་ཡིས་གྲུབ།། རིག་འཛིན་རྡོ་རྗེ་གླུ་ཡིས་འདྲེན།། རྣལ་འབྱོར་དབང་ཕྱུག་གླུ་ཡིས་འགྲུབ།། བསྟན་པ་རྒྱ་མཚོ་གླུ་ཡིས་སྤེལ།། སྲིད་པའི་བུ་མོ་གླུ
437a5 ཡིས་བསྟེན།། བདུད་དང་སྲིན་པོ་གླུ་ཡིས་འདུལ།། དངོས་གྲུབ་རྒྱ་མཚོ་གླུ་ཡིས་འབེབས།། ཆོས་ཉིད་དབྱིངས་ཀྱི་ཀློང་དཀྱིལ་ན།། དཔལ་བེའུ་ཉི་མ་དགུ་ཤར་བས།། རྣམ་ཐར་སྒོ་བཞི་རབ་གསལ་ཡང་།། མ་རིག་མུན
437a6 གནག་འཐིབས་པ་ཡིས།། བསྒྲུབས་པར་རིག་པའི་སྒོམ་མོ་བྱ།། འཁོར་བའི་མུན་གནག་གོང་རུམ་ན།། བྱང་ཆུབ་སེམས་ཀྱི་ཟླ་ཤར་བས།། མུན་བསལ་རྣམ་ཐར་སྒོ་བཞིར་སྣང་།། རིན་ཆེ་འབར་བའི་ཉི་མ
iiif viewer powered by OpenSeadragon
