| e-texts navigator |
| Wylie |
436b1 ཅིག། མི་མོ་རྣམས་ཀྱི་རེག་བྱ་མཆོག། འཁྲིལ་འཁྱུག་སྐུར་བའི་གཟུང་ཆེན་མ།། དབང་པོ་སྦྱོར་བའི་དགྱེས་མཆོད་དེ།། བདེ་བའི་མཆོད་པས་ཚིམ་གྱུར་ཅིག། རྡོ་རྗེ་རོལ་པས་ཚོགས་མཆོག་འདི།། མཆོད་སྤྲིན་ཀུན་ཏུ
436b2 རྒྱས་གྱུར་ཅིག། དུག་གསུམ་བརྩིགས་པའི་རི་བོ་འདི།། སྐུ་གསུང་ཐུགས་ཀྱི་ཀློང་དུ་བསྟབས།། དུག་ལྔ་རོལ་པའི་ཚོགས་མཆོག་འདི།། ཡེ་ཤེས་ལྔ་ཡི་ནང་དུ་ཐིམ།། གཟུང་འཛིན་རྟོག་པའི་མཚམ་མ་འདི།། དབྱིངས
436b3 དང་ཡེ་ཤེས་ཀློང་དུ་ཐིམ།། འཁོར་བ་མཚན་མའི་ཆོས་ཅན་འདི།། ཆོས་ཉིད་དབྱིངས་ཀྱི་ངང་དུ་ཐིམ།། ཕུང་པོ་ཚོགས་ཀྱི་ཡན་ལག་འདི།། རྣམ་གྲོལ་ཕུང་པོ་ལྔ་ཏུ་ཐིམ།། འབྱུང་ཆེན་རྒྱུ་ཡི་མཚན་མ་འདི།། མཁའ་ཀློང
436b4 འབར་བ་ལྔ་རུ་ཐིམ།། རོལ་པ་ཆེན་པོ་མཆོད་སྦྱིན་ལ།། རྒྱལ་བ་རྒྱ་མཚོའི་ཚོགས་རྣམས་རོལ།། བླ་མེད་སྟན་འགན་མཆོད་པ་འདི།། སྔོན་ཆད་རྒྱལ་བས་བགྲོད་པའི་ལམ།། དུག་གསུམ་གཏིང་ནས་གསོད
436b5 པའི་ཐབས།། སྔོན་གྱི་ཐུགས་དམ་བཞིན་དུ་བཞེས།། འཆི་མེད་བདུད་རྩི་གཡུང་དྲུང་ཆུ།། རོ་ཡི་ཁམས་རྣམས་སློང་བར་བྱེད།། དུག་གི་ཕུང་པོ་འཇོམས་བྱེད་པ།། རྩི་མཆོག་སྨན་གྱི་མཆོད་པ་བཞེས།། ཞེས་མཆོད་པའི
436b6 ཚོགས་རྣམས་ལོང་ལོང་ཕྱེད་པར་གྱུར་བར་རྒྱལ་བ་རྒྱ་མཚོའི་ཚོགས་ལོངས་སྤྱོད་དེས་མཉེས་པར་གྱུར་ཏོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་མཆོད་པ་དམ་པ་གསང་བའི་ལེའུ་སྟེ།
iiif viewer powered by OpenSeadragon
