| e-texts navigator |
| Wylie |
436a1 བྱས་ཏེ།། སོ་སོ་ཇི་ལྟར་ཡིན་ཐབས་སྦྱར།། གནས་དང་ཡུལ་གྱི་གཏན་ཚིགས་སུ།། བསྒྱུར་བ་གར་གྱི་ཕྱག་རྒྱར་བཤད།། དཔའ་བོ་གདན་ལ་བཞེངས་ནས་ནི།། ཕྱོགས་མཚམས་ཀུན་ཏུ་བལྟས་བྱས
436a2 ནས།། ཤིན་ཏུ་འགྱིང་ཞིང་བརྗིད་པར་བྱེད།། ཨ་དང་མ་ཡི་འབྲུ་རྣམས་ནི།། སོ་སོར་བརྡབས་ནས་དཀུར་བརྟེན་བྱ།། འགྱོང་བའི་ཚུལ་གྱིས་སྦྱང་བྱས་ནས།། སྟག་གི་སྟབས་ཀྱིས་ཀུན་ཏུ་བསྐོར།། དེ་ནས་རྨུན་བྱ།
436a3 སྟབས་ཀྱིས་ནི།། གོང་མ་བཞིན་དུ་བསྐོར་བར་བྱ།། དེ་བཞིན་རུས་སྦལ་གཟིགས་དང་སྟག། སྦྱང་ཀི་སེང་གེ་དམ་སྟབས་དང་།། ཕལ་ཆེན་དྲེད་ཀྱི་སྟབས་ཀྱིས་ནི།། ཐམས་ཅད་ཐམས་ཅད་བསྐོར་བར་བྱ།། དེ་བཞིན
436a4 འདབ་ཆགས་ཐམས་ཅད་ཀྱིས།། འཇོ་ཚུལ་སྟབས་རྣམ་རྫོགས་བྱས་ནས།། དཀྱིལ་འཁོར་ཐམས་ཅད་རྫོགས་པར་འགྱུར།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས
436a5 སྦྱར་བ་ཕྱག་རྒྱའི་ལེའུ་སྟེ་ཉི་ཤུ་རྩ་བརྒྱད་པའོ།། །། དེ་ནས་སེམས་དཔའི་རྡོ་རྗེ་དེས་མཆོད་པ་དམ་པ་གསང་བའི་ལེའུ་འདི་གསུངས་སོ།། ཧཱུཾ་འབྱུང་བ་ཆེན་པོ་ནམ་མཁའ་ནི།། འབྱུང་བ་ཆེན་པོ་ལྔ་ཡི་མཛོད།། ནམ
436a6 མཁའ་ལས་ནི་འདོད་པ་འབྱུང་།། འདོད་པའི་མཆོད་པ་འགྱུར་གྱུར་ཅིག། ཟླ་རྒྱས་ལ་སོགས་སྙིང་པོ་མཆོག། མཾ་ས་ལ་སོགས་རྣམ་ལྔའི་རྫས།། མེ་ཏོག་ལ་སོགས་ཙནྡན་ཕྲེང་།། སྣ་ཚོགས་མཆོད་པ་འབྱུང་གྱུར
iiif viewer powered by OpenSeadragon
