| e-texts navigator |
| Wylie |
435b1 བ་ཕྱག་རྒྱའི་ལེའུ་འདི་རྒྱ་ཆེར་གསུངས་སོ།། རྣལ་འབྱོར་མཆོག་གི་ལག་གཉིས་ལ།། ཉི་ཟླ་འབར་བའི་ལིངྒར་ནི།། ཨ་དང་པདྨ་གཉིས་གསལ་ཏེ།། ཐབས་དང་ཤེས་རབ་གཉིས་མེད་སྦྱར།། མཉམ་པའི་ཚུལ་གྱིས
435b2 གནས་པ་ལ། མེ་ཡི་སྟེང་དུ་ཨ་ཉིད་གཞག། བྱ་བ་ཐམས་ཅད་བྲལ་བའི་རྒྱ།། ཨ་དང་མ་ཡི་འབྲུ་བཅུ་རྣམས།། འཕྲོ་འདུ་བྱ་ཞིང་ཀུན་ཏུ་བསྒྱུར།། གཡས་སུ་འཁྱིལ་ཅིང་གཡོན་དུ་འཁྱུད།། འདི་ནི་ཆོ་འཕྲུལ་དབྱུང་བའི
435b3 རྒྱ།། ཨ་དང་མ་ཡི་འབྲུ་རྣམས་བཅུ།། སོ་སོར་བཅངས་ཏེ་མྱུ་གུར་བྱ།། ཤིན་ཏུ་བསྟོད་དེ་ཀུན་དུ་བསྒྱུར།། འདི་ནི་སྙིང་པོར་གྱུར་པའི་རྒྱུ།། མ་ཡིས་སྦྱིན་པ་གཏོང་ཚུལ་ལ།། ཨ་ཡིས་ཐམས་ཅད་སྐྱོབ་བྱེད་པ།། འདི་ནི
435b4 ཚད་མེད་ཆེན་པོའོ།། ཀུན་ལ་སྙོམས་པའི་ཕྱག་རྒྱ་ཡིན།། མ་ཉིད་ཁྲག་འཕྲོག་པ་ཡི་སྣོད།། ཨ་ཉིད་སོ་ཕྲེང་མཆེ་བར་སྦྱར།། འདི་ནི་ཐམས་ཅད་རོལ་པ་ཡི།། འཇིགས་ཚུལ་སྟོན་པའི་ཕྱག་རྒྱ་ཡིན།། ཨ་དང་མ་གཉིས
435b5 གཏིང་སྦྱར་ཏེ།། སོ་ཕྲེང་མཆེ་བའི་ཚུལ་གྱིས་ནི།། ཤིན་ཏུ་ཁ་གླན་པ་ཡི་ཚུལ།། འདི་ནི་འཇིགས་བྱེད་ཆེན་པོའོ་རྒྱ།། མ་ཡིས་བཟུང་སྟེ་འཐེན་ནས་ནི།། ཤ་ཡིས་གདེངས་ཤིང་འཇོམས་བྱེད་པ།། འཇོམས་བྱེད་ཆེན་པོའི
435b6 ཕྱག་རྒྱ་ཡིན།། མ་དང་ཨ་ཡིས་མགོ་འཇུག་ནས།། བཟུང་བའི་ཚུལ་དུ་བྱས་ནས་ནི།། ཁ་ཡིག་དྲང་ཅིང་འཐེན་བྱེད་པ།། ས་བྱེད་ཆེན་པའི་ཕྱག་རྒྱ་ཡིན།། ཨ་དང་མ་ཡི་ཤེས་རབ་ལས།། གཡས་གཡོན་ཚུལ་གྱིས་བསྒྱུར
iiif viewer powered by OpenSeadragon
