| e-texts navigator |
| Wylie |
433a1 བཅས།། སྐྱེས་པའི་ལས་ལ་རྒྱུད་དྲུག་རྣམས།། མིང་ངམ་གཟུགས་སུ་བྱས་ནས་ནི།། གནས་གནས་དག་ཏུ་དགོད་པར་བྱ།། ཁམས་དང་སྐྱེ་མཆེད་ཕུང་པོ་ལྔ།། གཟུང་འཛིན་མིང་དུ་བཅས་པ
433a2 རྣམས།། བརྡ་ཡི་ཚུལ་དུ་བྲིས་ནས་ནི།། རོ་རྣམས་ཁྱད་པར་དགོད་པར་བྱ།། དེ་ནས་རོ་ཡི་ཕུང་པོ་དེ།། རྟེན་ནམ་གླེགས་སམ་སྟེགས་བུ་ཡི།། སྟེང་དུ་མཁས་པས་གཞག་པར་བྱ།། ཐབས་ཀྱི་ཆོ་ག་བརྩམ་པ
433a3 ནི།། མཎྜལ་འཁོར་ཁྱུད་ཙམ་ཞིག་ལ།། དཀྱིལ་འཁོར་གང་དང་གང་ཡིན་པའི།། ཕྱག་རྒྱ་བཞུགས་པའི་ཕོ་བྲང་དག། ཐིག་གིས་ཡུལ་གཅས་སོ་སོར་བྱ།། དེ་ཡི་སྟེང་དུ་ཞིང་བརྩིགས་པ།། དབྱིབས་ནི་གྲུ་བཞི་གཏམས
433a4 པ་ལ།། ཟུར་བཞི་ཀ་བ་བཞིས་བརྟན་བྱ། སུམ་བརྩེགས་ཡང་ཐོག་པར་ཁང་བཅས།། མཐའ་མ་ཤིང་གིས་བརྫང་བར་བྱ།། བར་ཀང་དག་གི་གླེགས་མ་ལ།། རོ་ཡི་བཞིན་བྱོས་ཤར་དུ་བསྟན།། རོ་ཡི་སྟེང་གི་ཁང་པ
433a5 ལ།། རས་སམ་ཤོག་ཤོག་ལ་བྲིས་པའི།། ཕྱག་རྒྱའི་དཀྱིལ་འཁོར་གསལ་བར་དགོད།། རོ་ཁང་གློ་སྐར་བཞི་ཕྱེ་ལ།། ཐུགས་རྗེ་གཟུང་ཟག་བཞིས་བཏགས་ནས། ཕྱོགས་བཞི་བླ་མ་བཞི་ལ་དབུལ།། ཤིང་གི་ཆོ་ག
433a6 རྫོགས་པ་དང་།། ཤིང་གི་ཕྱི་མཐའ་སྟེགས་བུ་ལ།། ཕྱག་རྒྱའི་ལྷ་རྣམས་རིམ་པར་དགོད།། སྟེགས་བུ་རྫོགས་པར་གྱུར་པ་དང་།། རྡོ་རྗེ་ལས་ཀྱི་སྐོས་གདབ་པ།། རྡོ་རྗེ་རྒྱལ་པོ་བླ་མ་ལ།། འཁོར་བ་བསྲེགས་པའི་མངའ
iiif viewer powered by OpenSeadragon
