| e-texts navigator |
| Wylie |
432b1 མཆོད་པ་བརྩམ།། མཆོད་པ་ཐམས་ཅད་རྫོགས་པ་དང་།། སྒྲིབ་བྱང་མ་བྱང་དོན་ཆེན་རྣམས།། གྲུབ་དང་གྲུབ་དོན་རྣམས་ནི།། མེ་ལ་མཁས་པས་བརྟག་པར་བྱ།། མེ་སྒྲ་གཉིས་དང་ཁ་དོག་གཉིས།། འབར་ཚུལ
432b2 གཉིས་དང་དབྱིབས་རྣམས་དྲུག། དེ་དག་ཡོངས་སུ་ཤེས་པར་བྱ།། གལ་ཏེ་མཚན་མ་མི་སྡུག་ན།། བཀྲ་མི་ཤིས་པའི་རྟགས་ཡིན་པས།། བསྲེག་སྦྲང་ཆེན་པོ་རྒྱས་པར་བྱ།། དེ་ནས་འདོད་པའི་རྟགས་བྱུང་ནས། མེ་ལ
432b3 འདོད་པའི་དངོས་གྲུབ་རྣམས།། རྣམ་གསུམ་གག་ལྟར་གྲུབ་པ་བླང་།། རོ་ཡི་རྫས་རྣམས་བསྲེག་སྦྱངས་ནས། རོ་ལ་སྔགས་ཀྱིས་བཏབ་ནས་ཀྱང་།། ཤིན་ཏུ་དྲི་ཞིམ་སྣ་ཚོགས་ཀྱིས།། རོ་ལ་བྱུག་ཅིང་བཀྲུ་བར
432b4 བྱ།། བདུད་རྩི་ཞུན་ཆེན་ཁུ་བ་ཡིས།། རས་ལ་བྱུགས་པས་རོ་དཀྲིས་ཏེ།། རོ་ཡི་གནས་རྣམས་གང་ཡིན་པར།། སྔགས་ཀྱི་སྦྱོར་བ་ཀུན་བཀོད་ནས།། ཕྱག་རྒྱའི་མཚན་མས་གདབ་པར་བྱ།། རྒྱལ་བའི་དཀྱིལ་འཁོར
432b5 གང་དག་ནི།། གཞུང་ཡིན་པ་ཡི་ཕྱག་རྒྱ་རྣམས།། དུ་འབྱུང་བ་དང་མཉམ་པ་ཡི།། སྡོང་བུའི་གྲངས་ཀྱང་དེ་ལྟར་བྱ།། སྡོང་བུ་རེ་ལ་ལྷ་རྣམས་ཀྱི།། མ་ནོར་རྩ་བའི་སྙིང་པོ་དག། རས་ཆེན་དག་ལ་བྲིས་ཏེ་གདགས།། རོ
432b6 ཡི་སྦྱོར་བ་རྫོགས་པ་དང་།། རོ་ཡི་ཕྱི་ཤུལ་ཐམས་ཅད་ལ།། འཁོར་བའི་བག་ཆགས་ཀུན་བཀོད་དེ།། རས་སམ་ཤིང་ཤུན་ཤོག་ཤོག་ལ།། འཁོར་བའི་ས་བོན་ཐམས་ཅད་དགོད།། ཉོན་མོངས་ལྔ་དང་དུག་གསུམ
iiif viewer powered by OpenSeadragon
