| e-texts navigator |
| Wylie |
431b1 སྦྱར་བས།། རྒྱལ་བ་ཀུན་མཉེས་ཀུན་བསྲེགས་སྐོངས།། དོན་གྲུབ་ལས་ཀྱི་མཆོག་ཏུ་བཤད།། སྐྱེ་མེད་རྣམ་དག་ཧོམ་ཁུང་དུ།། ཆོས་ཅན་སྐྱེ་བའི་ཡམ་ཤིང་ལ།། སྤྲོས་མེད་བྱང་ཆུབ་ཡེ་ཤེས་མེས།། མཚན་མའི་བག
431b2 ཆགས་བསྲེགས་སྦྱངས་ཐིམ།། རྣམ་དག་བྷ་གའི་ཧོམ་ཁུང་དུ།། ཆགས་པའི་ཡམ་ཤིང་སྤུངས་པ་ལ།། བདེ་ཆེན་བྱང་ཆུབ་མེ་སྦར་ཏེ།། འཁོར་བའི་དངོས་པོ་བསྲེགས་སྦྱངས་ཐིམ།། དཔལ་ཆེན་ཞལ་གྱི་ཧོམ་ཁུང
431b3 དུ།། ཉོན་མོངས་ལྔ་ཡི་ཡམ་ཤིང་ལ།། ཡེ་ཤེས་ལྔ་ཡི་མེ་སྦར་ཏེ།། གཟུག་འཛིན་རྫས་རྣམས་བསྲེགས་སྦྱངས་ཐིམ།། སྣང་སྲིད་ནམ་མཁའི་ཧོམ་ཁུང་དུ།། འབྱུང་བ་བཞི་ཡི་ཡམ་ཤིང་ལ།། ཕྱག་རྒྱའི་ཚོགས་ཀྱི་མེ་སྦར
431b4 ཏེ།། སྣང་སྲིད་དངོས་པོ་བསྲེགས་སྦྱངས་ཐིམ།། ལས་བཞིའི་སོ་སོའི་ཁྱད་པར་གྱིས།། ཕྱོགས་དང་ཁ་དོག་དབྱིབས་དང་རྫས།། ཇི་ལྟར་ཡིན་པ་དེ་ལྟར་སྦྱར།། ཤར་ལྷོ་ནུབ་བྱང་དཀར་སེར་དམར།། མཐིང་ག་ནག
431b5 པོ་ཐལ་མདོག་སྦྱར།། ཟླུམ་པོ་པདྨ་ལེའུ་ཙེ་ཞི།། འཁོར་ལོ་གྲུ་བཞི་ཟུར་བརྒྱད་རྒྱས།། ཟླ་གམ་གྲུ་ཆད་གཞི་དབྱིངས་དབང་།། གྲུ་གསུམ་བྷ་ག་ཀ་མངོན་སྦྱོར།། སུམ་བརྩེ་མདངས་དང་རི་མོར་མཛེས།། ལས་ཀྱི་ཡམ
431b6 ཤིང་རྫས་ཀྱིས་རྒྱས།། ཡེ་ཤེས་རྡོ་རྗེའི་ལས་རྒྱུད་ལྡན།། བླ་མ་གསུམ་གྱིས་ཐབས་མཆོག་སྦྱར།། དག་པའི་མཐའ་འཛིན་ཉེས་མཆོག་འཛིན། རྡོ་རྗེ་གསང་བའི་གླུ་བྲོ་གར།། མཆོད་པ་གསང་བ་དུས་ཚིགས་སྦྱོར།།
iiif viewer powered by OpenSeadragon
