| e-texts navigator |
| Wylie |
431a1 པའོ།། །། དེ་ནས་བཅོམ་ལྡན་འདས་སེམས་དཔའི་རྡོ་རྗེ་དེ་རྡོ་རྗེ་མེ་ཀློང་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འདུས་པའི་ཚོགས་ཐམས་ཅད་ཀྱིས་ཆོས་ཐམས
431a2 ཅད་མེའི་རང་བཞིན་དུ་སྣང་བར་མཐོང་ངོ་།། དེ་ནས་འཁོར་རྣམས་ཀྱིས་ཤིན་ཏུ་བསྟོད་པ། ཨེ་མའོ་སེམས་དཔའ་ཆེ་བ་ཆེ།། ཏིང་འཛིན་ཆེན་པོ་སྣང་བ་ཆེ།། ཆོ་འཕྲུལ་ཆེན་པོ་སྣ་ཚོགས་ཆེ།། ཐབས་མཆོག་ཁྱོད་ལ
431a3 ཕྱག་འཚལ་ལོ།། ཆོས་ཀུན་མེ་ཀློང་བཞིན་དུ་སྣང་།། མི་ཉི་ཡེ་ཤེས་གསལ་བའི་ཀློང་།། འབར་འཕྲོ་གསལ་བར་གྱུར་པས་ནི།། མུན་བསལ་དངོས་པོ་ཐམས་ཅད་བསྲེགས།། བདེ་ཆེན་དབྱིངས་སུ་ཀུན་རྫོགས
431a4 པས།། དཔའ་བོ་ཁྱོད་ཀྱིས་མཛད་པ་ལགས།། ཐུགས་རྗེ་ཆེན་པོ་ཨ་ལ་ལ།། དོན་གྲུབ་ཆེན་པོ་ཨ་ལ་ལ།། སྒེག་པ་ཆེན་པོ་ཨ་ལ་ལ།། འཇིགས་བྱེད་ཆེན་པོ་ཨ་ལ་ལ།། དགྱེས་པ་ཆེན་པོ་ཨ་ལ་ལ། དྲེགས་པ་ཆེན་པོ
431a5 ཨ་ལ་ལ།། དཔའ་བོ་ཁྱོད་ཀྱི་བྱིན་བརླབས་ཀྱིས།། བདག་ཅག་རྣམས་ལ་བཤད་པ་ཤོད།། མེ་ཡི་རང་བཞིན་ཆེན་པོ་དག། བདག་ཅག་རྣམས་ལ་བཤད་པར་གསོལ།། ཞེས་གསོལ་བ་བཏབ་པ་ལས།། སེམས་དཔའི་རྡོ
431a6 རྗེས་དགྱེས་ཏེ་འདི་སྐད་ཅེས་བཀའ་སྩལ་ཏོ།། འདུས་པ་ཆེན་པོའི་རྣལ་འབྱོར་པ།། རྡོ་རྗེ་མི་ཡི་རང་བཞིན་དག། བཤད་ཀྱིས་ཁྱེད་རྣམས་གུས་པར་ཉོན།། རྡོ་རྗེ་མེ་ཡི་ལས་མཆོག་འདིས།། རྣམ་འབྱོར་ཐབས་སུ་བདེ།
iiif viewer powered by OpenSeadragon
