| e-texts navigator |
| Wylie |
430b1 གྱུར་པ་རྣམས།། ལོ་ཡི་འཚོ་བ་སྦྱར་ནས་ཀྱང་།། བསྙེན་སྒྲུབ་ཡན་ལག་རྣམ་བཞི་ལས།། བསྙེན་པདག་གི་དུས་སུ་ནི།། གང་ཟག་མི་ཡི་ཟས་ལ་བརྟེན།། དེ་ཡང་ལོ་ཡི་སྐད་ཅིག་གམ།། གཉིས་དང་གསུམ་གྱི་བར་དུ
430b2 སྦྱར།། ལོ་ཡི་སྐད་ཅིག་བར་དུ་ནི།། བདུད་རྩི་ཡོ་བྱད་རྣམས་ལ་བརྟེན།། དེ་ནས་ལོ་ཡི་སྐད་ཅིག་ནི།། གཅིག་གམ་གཉིས་ཀྱི་བར་དག་ཏུ།། རང་ལས་བྱུང་བའི་རྫས་རྣམ་ལྔས།། འཕགས་པ་མཆོད་ཅིང་རང་གི
430b3 བཟའ།། དེས་ནི་དྲོད་ལ་གནས་པར་འགྱུར།། དྲོད་ཐོབ་གྱུར་པ་ཕན་ཆད་ནི།། ལོ་ཡི་སྐད་ཅིག་ཐང་ཅིག་གིས།། ཏིང་འཛིན་ཟས་ཀྱི་རོ་རྙེད་ནས།། ཁམ་གྱི་ཟས་དང་བྲལ་བར་འགྱུར།། དྲོད་ཆེན་རྣམས་གསུམ
430b4 རྫོགས་ནས་ནི།། རྟགས་ཆེན་དག་ནི་ཐོབ་པར་འགྱུར།། རྟགས་ཀྱི་ཆོ་འཕྲུལ་འབྱུང་བ་ནི།། རིན་ཆེན་ཕུང་པོ་འདོད་པ་ན།། ས་རྡོ་ལ་སོགས་བྱས་ནས་འགྲུབ།། ཆུ་དང་མཁའ་ལ་འགྲོ་འདོད་ན། བརྩམས་པས་མི
430b5 འབྱིང་ཐོགས་མེད་འགྲོ།། མེ་ཡི་ཕུང་པོ་འཇིལ་འདོད་ན།། སྡིག་པའི་མཛུབ་མོ་ཕྱར་ནས་ཀྱང་།། བདེན་པའི་བསྒོ་བ་བྱས་པས་འགྲུབ།། དེ་ལ་སོགས་པ་ཐམས་ཅད་ནུས།། རྟགས་ཐོབ་ཕན་ཆད་སངས་རྒྱས
430b6 ཡིན།། ཞེས་གསུངས་སོ།། གསང་ཆེན་ཐུགས་ཀྱི་སྒྲུབ་པ་བཤད་པའོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་རྒྱུད་ལས་བཀའ་གསང་བ་འཁོར་ལོའི་བསྒྲུབ་པའི་ལེའུ་སྟེ་ཉི་ཤུ་ལྔ
iiif viewer powered by OpenSeadragon
