| e-texts navigator |
| Wylie |
430a1 ཅད་རང་གི་སེམས་ལ་རྫོགས།། ཀུན་རྫོབ་ཆོས་རྣམས་གང་ཡིན་ལ།། ལུས་དང་ངག་ལ་རྫོགས་པར་བཤད།། དེས་ན་ཆོས་འདི་ཐམས་ཅད་ཀྱང་།། རྩ་བར་རང་ལ་རྫོགས་པ་སྟེ།། འདི་དག་འགྲུབ
430a2 པའི་ཐབས་མཆོག་ཀྱང་།། རྣམ་པར་རྟོག་པའི་རྡུལ་བསལ་ནས།། བསྒྲུབ་པའི་རྒྱལ་པོ་ཡབ་ཡུམ་གཉིས།། དོན་ལ་མཁས་པར་བྱས་ན་ནི།། སོ་སོའི་ཐུགས་ལ་ཐིག་ལེ་དག། ཟླ་གམ་དཀར་དམར་གདབ་པར་བྱ།། དེ
430a3 ཡི་རྫས་མཆོག་ཆེན་པོ་ཡང་།། ཐབས་ཀྱིས་ག་པུར་ཆེན་པོ་དང་།། ཤེས་རབ་གསང་བའི་ཙནྡན་གཉིས།། དཀར་དམར་ཟླ་གམ་ཆེན་པོར་བྱ།། ཡབ་ཀྱི་ཐུགས་ཀར་དཀར་པོ་ལ།། ཐིག་ལེ་ཁ་ནི་མར་ལྟ
430a4 བའོ།། ཡུམ་གྱི་ཐུགས་ཀར་དམར་པོ་ལ།། ཐིག་ལེ་ཁ་ནི་ཡར་ལྟ་བའོ།། ཡབ་ཀྱི་ཐིག་ལེའི་དབུས་སུ་ནི།། དཔལ་བེའུ་དབུས་སུ་ཉི་མ་བྲི།། དབུས་སུ་ཨོཾ་གསལ་ནང་དུ་ཧཱུཾ།། ཡུམ་གྱི་ཐིག་ལེའི་དབུས་སུ་ནི།། པདྨ
430a5 དབུས་སུ་ཟླ་བ་བྲི།། དབུས་སུ་ཨ་གསལ་ནང་དུ་ཧཱུཾ།། དེ་ལྟར་གསལ་བར་གྱུར་པ་ན།། ཀུན་ཏུ་བཟང་པོ་ཡབ་ཡུམ་དུ།། གཉིས་སུ་མེད་པར་བསྐུར་བར་བྱ།། ཏིང་འཛིན་གསལ་བར་གྱུར་པ་དང་།། རང་ལས་བྱུང་བའི
430a6 བདུད་རྩི་ཡིས།། གསང་བ་གཉིས་ཀྱི་མཆོད་པ་བྱ།། རང་ལས་བྱུང་བའི་དངོས་གྲུབ་དག། རང་ཉིད་ས་ནི་བསྟིམ་པར་བྱ།། འདི་ལྟར་སྒྲུབ་པ་གཙོར་བྱེད་ན།། བདུད་རྩིའི་ཡོ་བྱད་ཐམས་ཅད་དང་།། བཅུད་ཀྱི་མཆོག་ཏུ
iiif viewer powered by OpenSeadragon
