| e-texts navigator |
| Wylie |
42b1 འདས་པ་དང་མ་བྱུང་བ་དང་། ད་ལྟ་བཞུགས་པ་ཐམས་ཅད་རིག་པའི་རྩལ་ལས་མ་བྱུང་བའི་ཆོས་སྐད་ཅིག་ཙམ་ཡང་མེད་པས། རིག་པ་གཅིག་པུར་འདུས་པ་ནི་ཉི་མའི་ཟེར་བཞིན་ནོ།། དེ་ཉིད་ཀྱང་ཆོས་ཀྱི་སྐུ་བདེ
42b2 བཔབ་ཆེན་པོའི་ངང་ལས་འདའ་བར་མི་བྱེད་ཅིང་ཐབས་ཀྱི་ཆོ་འཕྲུལ་ཅིར་ཡང་སྟོན་པའོ།། སྟོང་པ་ཉིད་ན་ཡང་གཅིག་ལ་ཀུན་འདུས་པའོ།། དགོངས་པ་རང་བཞིན་གྱི་ཀློང་ནས་མི་བསྐྱོད་པའི་རླབས་རང་གསལ་བའི
42b3 ཏིང་ངེ་འཛིན་ཉིད་དོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། དོན་གསང་བར་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་ཉིད་ཀྱི་རང་བཞིན་གྱིས་གསང་བ་སྐྱོན་དང་བྲལ་བའི་དོན་གསུངས་པ། ཨེ
42b4 མ་ཧོ།། ངོ་བོ་བདེ་བ་ཆེན་པོ་དུག་ལྔ་ལ་སྤྱོད་པའི་གང་ཟག་ལ་ནི་བཅས་བཅོས་གང་ཡང་བྱར་མེད་དེ། འདམ་གྱི་མུན་ཁུང་ན་པདྨའི་མེ་ཏོག་རང་འབར་བ་ལ་ནི་བཟོ་ཡིས་བཅོས་སུ་མེད་པའོ།། གསལ་བྱེད་ཀྱི་ཉི་མ
42b5 ཤར་བ་ལས་འཇའ་ཚོན་གྱི་འོད་བཀྲ་བ་ལ་ནི་སུས་ཀྱང་བསལ་དུ་མེད་པའོ།། དུག་ལྔའི་སྙིང་པོ་ལ་ཡེ་ཤེས་ཀྱི་མར་མེ་གསལ་བ་ནི་ང་རང་ཉིད་ཀྱིས་ཀྱང་བསལ་དུ་མེད་པའོ།། ལྷུན་གྱིས་གྲུབ་པའི་ཆོས་ཉིད་མི་འདོད
42b6 པའི་འདོད་ཆགས་ཆེན་པོ་རང་ཤར་ནས་རྟོག་པའི་མཚན་མ་ཞེས་སྟོང་པའོ།། མཚན་རྟོག་དབྱེར་མེད་པར་ཆོས་ཉིད་ཀྱི་ཀློང་ན་ཉལ་བ་ནི་མི་འབྱེད་པའི་གཏི་མུག་ཆེན་པོ་དེའོ།། དེ་ལས་གཞན་གྱི་སྤྲོས་པ་བཅད་པ་ནི
iiif viewer powered by OpenSeadragon
