| e-texts navigator |
| Wylie |
42a1 རིག་པ་ཅིར་གསལ་ཐམས་ཅད་མ་བཀོད་བཞིན་རིག་པ་རྒྱ་ཡིན་པའོ།། རིག་པ་ལྷུན་གྱིས་གྲུབ་པའི་ཆོས་ཉིད་ལ་ནི་གང་དུ་བསམས་ཤིང་བརྟགས་པ་ལས་འདས་པའོ།། དེ་ཡང་ཉིད་ཀྱི་སྤྱོད་ཡུལ་ནི། དེ
42a2 ཉིད་མུ་སྟེགས་ནས་གསང་ཆེན་མན་ཆད་དུ་རང་ཤར་བའོ།། གསང་བ་ཆེན་པོ་སྒྲ་སྐད་དུ་ཇི་སྙེད་པར་སྒྲོགས་པ་ཡང་གསང་བ་ཆེན་པོའི་ལམ་ཡིན་ཏེ་གང་དུ་ཡང་རང་ལས་གཞན་དུ་ཐོས་སུ་མེད་པ་ཉིད་དོ།། རང་གི
42a3 རིག་པ་གསང་བ་ཉིད་ཆོས་ཀྱི་སྐུར་ངོ་སྙོམས་པ་ནི་ཀུན་གྱིས་མ་རིག་པའོ།། སེམས་ཉིད་ཀུན་ལ་ཁྱབ་ཅིང་ཆོས་སྐུ་རང་གསལ་བ་ནམ་མཁའ་དང་ཉི་མ་ལྟ་བུའོ།། ལྷུན་གྱིས་གྲུབ་པའི་ཆོས་ཉིད་ལ་རང་བྱུང་ཡེ་ཤེས་ཀྱི
42a4 སྐུ་ལྔར་རྫོགས་པ་ནི། རིག་པ་ཉིད་ཀྱི་སྣང་གཞི་མི་འགོག་པའོ།། སྣང་སྲིད་འབྱུང་ལྔར་ཤར་བ་ཡང་རང་བྱུང་ཡེ་ཤེས་ཆེན་པོའི་ཡོན་ཏན་ནོ།། འབྱུང་བ་ཐམས་ཅད་ཀྱི་སྙིང་པོའམ་བཅུད་དུ་གྱུར་པ་ནི་སེམས་ཉིད་དག
42a5 པ་ཆེན་པོའི་དགོངས་པ་ཉིད་དོ།། སྙིང་པོ་དེ་ཉིད་ཤིན་ཏུ་བཙལ་དཀའ་བའི་དོན་ཡིན་ཏེ་གཞན་ལས་མི་རྙེད་པའོ།། གང་ཞིག་དང་དུ་བླང་ཞེས་ཀྱང་འབྱུང་སྟེ་རང་ཉིད་ཡིན་པས་སོ།། སྐྱེ་གནས་རྣམ་པ་བཞིའི་ཡུལ་དང
42a6 རྒྱུད་ལྔའི་འཁོར་བའི་སེམས་ཅན་ཐམས་ཅད་ཀྱང་འཛིན་པ་རང་གི་རླུང་ལོག་པ་ལ་སྣང་བའོ།། འཛིན་པའི་དྲི་མ་ཉིད་དྲི་མ་ཉིད་ཀྱིས་ཀར་དག་པའོ།། འཇིག་རྟེན་གྱི་ཁམས་ཡང་དག་པར་རྫོགས་པའི་སངས་རྒྱས
iiif viewer powered by OpenSeadragon
