| e-texts navigator |
| Wylie |
429b1 བཞིན་སྦྱར་ནས།། མཎྜལ་ཐིག་ལེ་ལྔ་པ་ལ།། བཀྲ་ཤིས་དཔལ་ལྡན་ལྔ་བཞག་ནས།། གཙོ་བོ་ལྔ་དང་འབྲས་བུ་ལྔ།། རློན་པ་བཀོད་ནས་ཡི་གེས་སྦྱང་།། ཏིང་འཛིན་བཟླས་པའི་མེ་སྦར་པས།། དང་པོ་རོ་འབྱུང་སྐམས
429b2 པ་དང་།། དེ་ནས་བཏགས་བཙག་གོང་མ་བཞིན།། སྦྱར་ནས་རིགས་ཀྱི་བསྙེན་པས་སྦྱང་།། དེས་ནི་མཚན་མ་བྱུང་བ་དང་།། དེ་བཞིན་གོང་ལྟར་ཅི་བདེར་སྤྱད།། ཅེས་གསུངས་སོ།། བདུད་རྩི་རློན་སྦྱོར་གྱི་བསྒྲུབ་པ
429b3 བཤད་པའོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས། བདུད་རྩི་སྨན་གྱི་བསྲུབ་པའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་སེམས་དཔའི་རྡོ་རྗེ་ཆེན་པོ་དེས།། སྒྲུབ་པ་ཐམས་ཅད
429b4 ཀྱི་སྙིང་པོ་གསང་ཆེན་ཐུགས་ཀྱི་སྒྲུབ་པ་ཞེས་བྱ་བ་འདི་བཤད་དོ།། འདུས་པ་ཆེན་པོའི་རྣལ་འབྱོར་པ་ཐམས་ཅད་ནི་དབྱིངས་སུ་ཤེས་པར་བྱ་སྟེ། འཁོར་བའི་ཆོས་ཐམས་ཅད་ནི་དབྱིངས་སུ་འདུས་པ་ལ། མྱ་ངན་ལས
429b5 འདས་པའི་ཆོས་ཐམས་ཅད་ནི་ཡེ་ཤེས་སུ་འདུས་སོ།། དེ་གཉིས་སུ་མེད་པ་ནི་ཆོས་ཉིད་བྱང་ཆུབ་སེམས་ཀྱི་བདེ་བ་ཆེན་པོར་འདུས་པར་ཤེས་པར་གྱིས་ཤིག། དེ་བས་ན་ཆོས་ཐམས་ཅད་ནི་ཐུགས་ཡེ་ཤེས་ཀྱི་རང
429b6 བཞིན་དུ་འདུས་ཏེ་གཉིས་མེད་དོ།། དེ་ལྟར་ན་ཀུན་རྫོབ་ཏུ་འདི་ལྟར་རིག་པར་བྱ་སྟེ་གཉིས་སུ་མེད་པའི་དོན་ལ་འཇུག་པར་བྱའོ།། འདུས་པ་ཆེན་པོའི་རྣལ་འབྱོར་པ།། དམ་པའི་དོན་གྱི་ཆོས་རྣམས་ཀུན།། ཐམས
iiif viewer powered by OpenSeadragon
