| e-texts navigator |
| Wylie |
429a1 འགྲོ།། ཞེས་གསུངས་སོ།། བདུད་རྩི་ལྡེ་གུའི་སྒྲུབ་པར་རྣམ་པར་བཤད་པའོ།། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ། འདི་ཡང་གོང་མ
429a2 ལྟར་བྱས་ཏེ།། དེ་དང་མི་མཐུན་སྒྲུབ་རྫས་རྣམས།། བདུད་རྩིར་འགྱུར་བའི་སྨན་རྣམས་ཀུན།། ཐམས་ཅད་ཐམས་ཅད་བསྡུས་པར་བྱ།། ཏིལ་ཆེན་ལ་སོགས་ཞུན་གྱི་མཆོག། ཐམས་ཅད་བསྡུས་ཤིང་སྦྱར་བྱས
429a3 ནས།། གནས་ཀྱང་གོང་མ་བཞིན་བཙལ་ཏེ།། བདུད་རྩི་བཀྲམ་ནས་བསྒྲུབ་པར་བྱ།། འཕྲོ་འདུ་བཟླས་བརྗོད་རྒྱུན་མི་གཅད།། གྲུབ་པའི་རྫས་སུ་གྱུར་པ་དང་།། སྨན་རྣམས་ཕྱེ་མར་བཏག་པར་བྱ།། དེ་དག་ཕྱེ་མར
429a4 གྱུར་པ་དང་།། ཞུན་ཆེན་དག་དང་སྦྱར་བར་བྱ།། སྦྱོར་བའི་ཆོ་ག་རྫོགས་པ་དང་། དངོས་གྲུབ་མཆོག་ནི་བླང་བར་བྱ།། གཞོན་ནམ་གཞན་གྱི་སྡེ་པ་དང་།། ལོ་ཡིས་བཤུགས་ཏེ་འཕྲད་མི་བྱ།། འཚོ་བ་བདུད་རྩི་ཞུན
429a5 གྱིས་སྦྱར།། བདུད་རྩི་གྲུབ་པའི་རྟགས་ཆེན་ནི།། བ་སྤུ་ལངས་དང་གཟི་མདངས་འབར། ཁམ་གྱི་ཟས་བྲལ་བདེ་བར་འཚོ།། ཤེས་རབ་གསལ་ཞིང་ཐོག་པ་མེད།། ཟག་པ་ཟད་ནས་ནམ་མཁའ་འགྲོ།། ཞེས་གསུངས
429a6 སོ།། བདུད་རྩི་ཞུན་ཆེན་གྱི་བསྒྲུབ་པ་བཤད་པའོ།། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། རློན་པའི་རྫས་ལ་སྨན་བསྒྲུབ་ན།། ཐམས་ཅད་གོང་མ
iiif viewer powered by OpenSeadragon
