| e-texts navigator |
| Wylie |
428b1 ཕན་ཡོན་གྱིས།། ནད་ཀྱི་བསྐལ་བ་དག་ལས་ཐར།། ཟླ་བཞི་ཕན་ཆད་གང་ཟག་གིས།། ཟས་དང་མ་འདྲེས་བརྩོན་བསྒྲུབས་ན།། གཞན་གྱི་ནད་རྣམས་འཇོམས་པར་ནུས།། དྲུག་དང་བདུན་དང་བརྒྱད་རྣམས
428b2 ལ།། བདུད་རྩི་བཅུད་ཀྱིས་འཚོ་བར་འགྱུར།། དགུ་དག་བཅུ་ལ་ཟད་པ་ཟད།། བཅུ་གཅིག་རིག་འཛིན་ནམ་མཁར་འཕུར།། ཞེས་གསུངས་སོ།། བདུད་རྩི་སྐྱོ་མའི་བསྒྲུབ་པ་རྣམ་པར་བཤད་པའོ།། དེ་ནས་ཡང་སེམས
428b3 དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། རྡོ་རྗེ་རིག་འཛིན་རྩལ་ལྔའི་ཟས།། ལྡེ་གུའི་ཆོ་ག་ཆེན་པོ་ནི།། འདི་ལྟར་ཁོང་དུ་ཆུད་པར་བྱ།། སྦྲང་རྩི་བུ་རམ་རྒུན་འབྲུམ
428b4 རྣམས།། ལོ་ཡི་འཚོར་བར་སྦྱར་ནས་ཀྱང་།། ཁ་དོག་མཚན་ལྡན་དམར་པོའི་བ།། ལོ་ཡི་འཚོ་བར་གཟུང་ཞིང་བསྲེག། སྨན་གྱི་རྒྱལ་པོ་རམ་ཉེ་བས།། རྒྱུན་དུ་གསོས་པའི་འོ་མ་དེ།། རིག་འཛིན་ཟས་ཀྱི་མཆོག་ཏུ
428b5 འགྱུར།། བདུད་རྩི་རྒྱལ་མོ་རམ་ཉེ་བ།། བྱེ་མའི་མཆོག་ཏུ་བྱ་ནས་ཀྱང་།། ལོ་ཡི་འཚོ་བའི་སྦྱར་བྱས་ཏེ།། སུས་མི་མཐོང་བའི་ས་ཕྱོགས་སུ།། བསྒྲུབ་རྫས་དེ་དག་འགྲམ་ནས་ཀྱང་།། བདུད་རྩི་བསྒྲུབ་པ་དེ་བཞིན
428b6 བྱ།། དུས་བབ་པ་ནི་ཚོད་རྣམས་ལ།། བསྒྲུབ་རྫས་དེ་དག་ཐམས་ཅད་ཀྱང་།། བ་ཡི་འོ་མས་ལྡེ་གུར་བྱ།། ཆ་རེས་བསྐྱེད་ཅིང་བཟའ་བར་བྱ།། ཟོས་པའི་ཡོན་ཏན་བསམ་མི་ཁྱབ།། ཟག་པ་ཟས་ནས་ནམ་མཁར
iiif viewer powered by OpenSeadragon
