| e-texts navigator |
| Wylie |
428a1 ཀྱིས་དཀྲི།། གོང་མ་བཞིན་དུ་ཀུན་སྦྱར་ནས།། དངོས་གྲུབ་མཆོག་རྣམས་བདག་གིས་བྱ།། ཞེས་གསུངས་སོ།། བདུད་རྩི་རི་ལུའི་ཆོ་ག་རྣམ་པར་བཤད་པའོ།། དེ་ནས་ཡང་སེམས་དཔའི་རྡོ་རྗེ་དེས་འདི
428a2 སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། སྐྱོ་མའི་ཆོ་ག་འདི་ལྟ་སྟེ།། ཐམས་ཅད་གོང་མ་བཞིན་སྦྱར་ནས།། མཚན་མ་གསལ་པོ་འབྱུང་པོ་དང་། ཕྱེ་མ་ཆུ་ཚགས་ནང་ནས་དབྱུང་།། ཕྱེ་མའི་མཆོག་ཏུ
428a3 འགྱུར་བ་དང་།། ཕྱེ་མའི་རྒྱལ་མོ་དེ་དག་ནི།། བསེ་ཕོར་ཁ་སྦྱར་ནང་དུ་བླུགས།། རྒྱས་བཏབ་བྱིན་བརླབས་དབང་བསྐུར་ནས།། བཟླས་བརྗོད་འཕྲོ་འདུ་རྒྱུན་མི་ཆད།། སྦྲང་ཆང་ར་ཆང་བུར་རམ་ཆང་།། རྒུན་ཆང་འོ།
428a4 ལ་སོགས་པ།། བཅུད་ཀྱི་ཁུ་བ་ཐམས་ཅད་སྦྱར།། རིན་ཆེན་གའུ་མཚན་ལྡན་དུ།། བླུགས་ཏེ་ཁ་སྦྱར་རྒྱས་བཏབ་ནས། འཕྲོ་འདུ་བཟླས་བརྗོད་གོང་མ་བཞིན།། བྱས་ཏེ་མཚན་མ་བྱུང་བ་དང་།། དངོས་གྲུབ་ཆེན་པོ
428a5 བླང་བར་བྱ།། ཕྱེ་མའི་བསྒྲུབ་རྫས་དེ་དག་ནི།། ཆ་ལྔ་དག་ཏུ་བགོས་ནས་ཀྱང་།། རྣལ་འབྱོར་སོ་སོའི་ཆ་རྣམས་ལས།། ཅི་རན་ཙམ་གྱིས་ཆ་གཅིག་དང་། སྦྱར་ཆང་ཆ་ལྡང་བགོས་པ་ལས།། རྣལ་འབྱོར་སོ་སོའི་ཆ
428a6 རྣམས་ལས།། སྦྱར་ཏེ་དངོས་གྲུབ་བརྟེན་དུ་བྱ།། ཟླ་བ་གཅིག་ཏུ་ཟོས་པས་ནི།། བ་སྤུ་རངས་ཤིང་གཉེར་མ་རངས།། ཟླ་བ་གཉིས་སུ་ཟོས་བྱས་ན།། གཟི་མདངས་ཐམས་ཅད་འབར་བར་འགྱུར།། ཟླ་བ་གསུམ་གྱི
iiif viewer powered by OpenSeadragon
