| e-texts navigator |
| Wylie |
426a1 རྒྱ་འབར་བ་དགོད།། ལང་ཀ་བསྒྲལ་བའི་གནས་མཆོག་འདིར།། རབ་པ་ཅན་གྱི་ཚོགས་འདུས་ཏེ།། རཀྵ་འཇོམས་པའི་མཐུ་ཆེན་ཀུན།། སྲིད་པ་གསུམ་རིལ་འདིར་སྒྲོལ་བའོ།། དུས་བཞི་མཆོད་པའི
426a2 དམ་རྫས་ཀྱིས།། དེ་དག་ཇི་ལྟར་རིག་པར་མཆོད།། དུས་བཞི་བཅུད་སྨིན་སྙིང་པོ་ཡིས།། དངོས་གྲུབ་ཆེན་པོའི་རྫས་སུ་བྱ།། ཕྱོགས་བཞི་དབུས་ཀྱི་རྫས་ཆེན་རྣམས།། རྨད་དུ་བྱུང་བའི་རལ་པ་ཅན།། འབྱུང་བ་ལྔ་ལ
426a3 དབང་སྒྱུར་མཛད།། འབྱུང་བ་ལྔ་ཡི་ཆོ་འཕྲུལ་སྒྲུབ།། དབྱར་ཆུ་སྟོན་མེ་དགུན་ས་སྟེ།། དཔྱིད་རླུང་ནམ་མཁའ་གསང་བར་སྦྱར།། ཆོ་འཕྲུལ་དེ་ལ་དབང་ཐོབ་ནས།། དེ་དག་རལ་པ་ཅན་དུ་བསྒྲུབ།། ཏིང་འཛིན་རྣམ་པ
426a4 ལྔ་གསལ་བས།། འབྱུང་ལྔ་ལས་བྱུང་ཤ་རིགས་ལྔ།། ཁྱི་ཤ་བ་ལང་རྟ་ཤ་དང་།། བྱ་དང་རི་དགས་སྣ་ཚོགས་ནི།། རྫུ་འཕྲུལ་ཤུགས་སུ་སྒྲུབ་པའི་རྫས།། སྒྲུབ་པའི་རྫས་ཆེན་འབྱུང་ཆེན་ལྔ།། འཇིག་རྟེན་ཀུན་ལ་དབང
426a5 སྦྱར་བའི།། དེ་ལྟར་རྫས་རྣམས་འབྱོར་པ་དང་།། ཏིང་འཛིན་བསྒོམ་དང་བསྒྲུབ་པ་དང་།། ཐམས་ཅད་གོང་དང་མཐུན་སྦྱར་ནས།། འཇུག་དང་དངོས་གྲུབ་དབང་ཆེན་རྣམས།། ཅི་རིགས་པ་ནི་བདེ་བར་སྦྱར།། ཞེས
426a6 གསུངས་སོ།། བདུད་རྩི་རང་བྱུང་དཀྱིལ་འཁོར་ཞེས་བྱ་བའི་མདོ་བཤད་པའོ།། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། གཞན་ཡང་བདུད་རྩི་ཆེན་པོ
iiif viewer powered by OpenSeadragon
