| e-texts navigator |
| Wylie |
425b1 ལྡན།། བར་འཁྱམས་གཉིས་ལ་གནས་ཡུལ་རྣམས།། ཟླ་གམ་ཐིག་ལེར་ལྡན་པར་བྱ།། སྒོ་ཁྱམས་སྒོ་བཞི་ཟླ་གམ་བཅས།། ཕྱི་ཁྱམས་ལག་ཆུ་ཧཱ་ཡི་མེ།། མེ་ཡི་ཁྲོ་བོ་སུ་ཐེག་ལེར་བཅས།། དུར་ཁྲོད་རྒྱན་གྱིས་ཀུན
425b2 བརྒྱན་བྱ།། ཏིང་འཛིན་རྫོགས་དང་དངོས་བསྒྲུབ་དད།། འཇུག་པ་དབང་བསྐུར་དངོས་གྲུབ་རྣམས།། གནས་བསྲུང་ལ་སོགས་རྫོགས་པར་བྱ།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས
425b3 རིག་པའི་མདོ་ལས་འཁོར་ལོ་དབང་སྒྱུར་གྱི་སྒྲུབ་ལུགས་ཀྱི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་སེམས་དཔའི་རྡོ་རྗེ་དམ་པ་དེས་འདི་སྐད་ཅེས་བཀའ་སྩལ་ཏོ།། འདུས་པ་ཆེན་པོའི་ཚོགས་ཆོས་ཐམས་ཅད
425b4 བདུད་རྩི་སྨན་གྱི་རང་བཞིན་དུ་ཞེས་པར་བྱའོ།། དེ་ཅིའི་ཕྱིར་ཞེ་ན།། འདི་ལྟར་སྣང་བའི་ཆོས་ཐམས་ཅད་ཀྱི་དོན་རྟོགས་ན་ནི་འཚོ་བ་ཆོས་ཉིད་ཀྱི་རྩི་ཡིན།། མ་རྟོག་ན་ནི་འཆི་བ་འཁོར་བའི་དུག་ཡིན།། དེ་ནས་ན
425b5 ཆོས་འདི་དག་ཐམས་ཅད་བདུད་རྩིའི་རང་བཞིན་དུ་ཤེས་པར་བྱའོ།། དེ་ལྟར་ཤེས་ནས་ཀུན་རྫོབ་ཏུ་འདི་ལྟར་བསྒྲུབ་པར་བྱའོ།། ཇི་བཞིན་འབྱུང་ལྡན་བདེ་སྦྱར་ནས།། མ་ཏྲཾ་ཁོག་པའི་སྙིང་ག་རུ།། འདོམ་གང་ཚད
425b6 དང་མཐུན་པ་ལ།། རྩིབས་བརྒྱད་འབར་བའི་འཁོར་ལོར་གདབ།། མེ་ཡི་འོད་ཀྱིས་བསྐོར་བར་བྱ།། རྡོ་རྗེ་ར་བས་བསྐོར་བ་ཡི།། མཐའ་མ་སྒོ་ཁྱུད་འབར་བར་བྱ།། དབུས་སུ་རིན་ཆེན་ཟུར་བརྒྱད་བྱ།། དེར་ནི་ཕྱག
iiif viewer powered by OpenSeadragon
