| e-texts navigator |
| Wylie |
425a1 ཡིན།། དུག་གསུམ་ཐམས་ཅད་ཟིལ་གྱིས་གནོན།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་དུག་གསུམ་དབང་བསྐུར་བ་ཞེས་བྱ་བའི་བསྒྲུབ་པའི་ལེའུ
425a2 སྟེ་ཉི་ཤུ་རྩ་གཉིས་པའོ།། །། དེ་ནས་སེམས་དཔའི་རྡོ་རྗེ་དམ་པ་དེས་བུད་མེད་ཐམས་ཅད་ལ་དབང་བསྒྱུར་བ་ཞེས་བྱ་བའི་དཀྱིལ་འཁོར་ཆེན་པོ་འདི་གསུངས་སོ།། འདུས་པ་ཆེན་པོའི་ཚོགས་ཆགས་པ་ཐམས
425a3 ཅད་དབང་དུ་འདུ་བར་འདོད་ན་འདི་ལྟར་རིག་པར་བྱའོ།། བུད་མེད་ཆགས་པའི་རང་བཞིན་ཏེ།། ཆགས་པ་ཁྲག་གི་རྒྱ་མཚོ་ཡིན།། ལས་ཀྱིས་འཁོར་བའི་སེམས་ཅན་རྣམས།། ཆགས་པ་ཁྲག་གི་རྒྱ་མཚོར
425a4 བྱིང་།། ཆགས་ལས་རྣམ་གྲོལ་འགོག་པ་སྟེ།། ཆགས་པ་དེ་ཉིད་ཁྲག་ཅེས་བྱ།། ཁྲག་གི་རྒྱ་མཚོ་བསྐམ་པའི་ཕྱིར།། བུད་མེད་ཁྲག་གི་རྒྱ་མཚོ་རྣམས།། འཚོ་བ་བདུད་རྩིའི་རྒྱ་མཚོ་བསྒྱུར།། དེ་ལྟར་ཤེས་པར་གྱུར་པ
425a5 དང་།། ཀུན་རྫོབ་ཚུལ་དུ་འདི་ལྟར་སྦྱར།། ལས་ཀྱི་བརྩམས་པ་ཕུན་སུམ་ཚོགས།། རིམ་པ་བཞིན་དུ་བརྩམས་ནས་ཀྱང་།། མཎྜལ་འདོམ་གང་གྲུ་བཞི་ལ།། འཁོར་ལོ་བཞི་ཡི་ཐིག་ཏུ་གདབ།། མི་ཁྱུད་ཕྱི་རིམ་གྲུ་ཆད
425a6 བཞི།། དེ་ནས་སྒོ་ཁྱམས་དམར་པོར་བྱ།། ཀུན་གྱི་ཕྱི་རིམ་ལག་ཆུ་ཧཱའི།། མེ་རི་འབར་བས་གཏིབ་ཐག་གཅད།། དབུས་སུ་ཤར་ལྷ་ཟླ་གམ་བྲི།། བྷན་དྷ་དཔལ་ལྡན་ཡབ་ཡུམ་དགོད།། འཁོར་ལོ་བཞི་ལ་རིག་བཞིར
iiif viewer powered by OpenSeadragon
