| e-texts navigator |
| Wylie |
424b1 བརྩིབས།། པདྨ་དཔལ་བེའུ་དབྱིངས་འདྲ་ཐམ།། མཁས་པས་ཡམ་ཤིང་བརྩམ་པར་བྱ།། བྱ་བའི་བྱ་བ་ཐམས་ཅད་ཀུན།། གོང་དུ་སྦྱོར་བ་དེ་ལྟར་སྦྱོར།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན
424b2 འདུས་རིག་པའི་མདོ་ལས་འཁོར་བ་ཐམས་ཅད་སྒྲོལ་བ་བསྒྲུབ་པ་ཞེས་བྱ་བའི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་ཡང་སེམས་དཔའི་རྡོ་རྗེ་དེས་དུག་གསུམ་ཐུགས་སུ་དབང་སྒྱུར་བ་ཞེས་བྱ་བའི་མདོ་འདི
424b3 གསུངས་སོ།། འདུས་པ་ཆེན་པོའི་རྣལ་འབྱོར་པ།། དུག་གསུམ་དབང་དུ་བསྒྱུར་བ་ཡང་།། འདི་ལྟར་ཁོང་དུ་ཆུད་པར་བྱ།། དུག་གསུམ་རང་བཞིན་གང་ཡིན་པ།། སྐུ་གསུམ་ཉིད་ཀྱི་ངོ་བོ་སྟེ།། གཞན་ནས་བཙལ་བ་ཅི
424b4 ཡང་མེད།། དེ་ལྟར་ཤེས་པར་འགྱུར་བ་དང་།། ཀུན་རྫོབ་ཚུལ་དུ་འདི་ལྟར་བསྒྱུར།། ཐམས་ཅད་གོང་མ་བཞིན་སྦྱར་ལ།། སྟེགས་བུ་འདོམས་གང་པ་ཞིག་ལ།། ཕྱི་ར་དམར་པོ་རྒྱས་པར་བྱ།། དེ་ནས་མཐིང་ནག་གྲུ
424b5 གསུམ་བརྩིགས།། དེ་ནས་དམར་ནག་ཟླ་གམ་བྱ།། ཟླ་གམ་དབུས་སུ་དཔལ་ཆེན་འབར།། དབང་ཕྱུག་གནས་བརྒྱད་ཟླ་གམ་མཐའ།། བང་རིམ་པར་ལ་དུར་ཁྲོད་འབར།། ཐ་མར་དམར་པོ་གྲུ་བཞི་ལ།། སྒོ་བཞི་སྒོ
424b6 སྲུང་བཅས་པར་བྱ།། དེ་ཡི་མཐའ་མ་མེ་རིས་བསྐོར།། ཁྲོ་བཅུ་འབར་བའི་རྟགས་རྣམས་དགོད།། བསྒྲུབ་དག་འཇུག་དང་དབང་བསྐུར་རྣམས།། གོང་མ་བཞིན་དུ་སྦྱིན་པར་བྱ།། དེས་ནི་ཐམས་ཅད་རྫོགས་པ
iiif viewer powered by OpenSeadragon
