| e-texts navigator |
| Wylie |
424a1 ཕཊ། ཁ་ཊྭཱཾ་ཕྱག་རྒྱས་བསྒྱེལ་ནས་ནི།། མ་རིག་མུན་པའི་སྒོ་ཕྱེ་ནས།། རྣམ་ཤེས་ཨ་རུ་བྱིན་བརླབས་ཏེ།། གསང་ཆེན་ཐུགས་ཀྱི་ཀློང་དུ་བསྟིམ།། སྦུབས་ནི་གཞལ་ཡས་འབར་བར་བྱ།། སྟེགས་བུ་མ་ཏྲཾ
424a2 གཟུགས་འདྲ་ལ།། འགྱེལ་ཐབས་བཞིན་ཕྱོགས་ཅི་འདྲར་བྱ།། ཁ་དོག་སྔོ་སྐྱ་གནས་རྐྱལ་ཐབས།། ཆེ་ཆུང་ཚད་མེད་གནས་ཀྱིས་སྦྱར།། དེ་ཡི་སྙིང་གར་བང་རིམ་གསུམ།། དང་པོར་དམར་པོ་གྲུབ་བཞི
424a3 བརྩིགས།། གཉིས་པ་མཐིང་ནག་གྲུ་གསུམ་བྱ།། གསུམ་པ་སྨུག་ནག་ཟླ་གམ་བྱ།། ཡན་ལག་བཞི་དང་མགོ་མཚན་དྲུག། གསང་སྒོ་གཉིས་ཏེ་བརྒྱད་དག་ལ།། སྟེགས་བུ་ཆག་ཕྱེད་གྲུ་བཞི་བརྒྱད།། དེ་ཡི་མཐའ་རིམ
424a4 ཡོངས་ཟད་དུ།། ཟླ་གམ་གསལ་བར་མཎྜལ་བྱ།། དེ་དག་མེ་ཀློང་འབར་བར་བསྐོར།། ཡ་ཐོག་ཟླ་གལ་སྟེང་ངག་ཏུ།། དཔལ་དང་ལྡན་པའི་ལྷ་མཆོག་བཞུགས།། མཐིང་ནག་གྲུ་གསུམ་མེ་དཔུང་བྲི།། གྲུ་བཞིའི་དམར
424a5 པོ་བང་རིམ་ལ།། རིགས་བཞི་ལྷ་མཆོག་དཔལ་ལྡན་གཞག། ཡན་ལག་མགོ་མཚན་གཡས་གཡོན་བརྒྱད།། དབང་ཕྱུག་གནས་ཀྱི་བདག་མོ་བརྒྱད།། བྲི་བྱ་ཡང་ན་མཚམ་མ་བཞག། ཚིགས་ཆེན་བརྒྱད་ལ་ཡུལ་བདག
424a6 བརྒྱད།། ཇི་ལྟར་འོས་པ་དེ་ལྟར་བྱའོ།། གོ་བཞིར་གསང་བ་སྒོ་མར་གཞག། མཐའ་ཟད་ཡོངས་ཀྱི་ཟླ་གམ་ལ།། བུད་མེད་ཉི་ཤུ་རྩ་བརྒྱད་གཞག། མིང་ངམ་མཚན་མ་རྟེན་ཏེ་གཞག། དེ་ཡི་ཁ་ལ་ཐབ་ཏུ
iiif viewer powered by OpenSeadragon
