| e-texts navigator |
| Wylie |
423b1 ཤིང་ལ།། ཡེ་ཤེས་ཆེན་པོའི་མེ་ཀློང་དུ།། ཉོན་མོངས་ལྔ་ཡི་བསྲེགས་སྦྱངས་རྫོགས།། བྱ་བར་སྦྱོར་བ་མཐའ་དག་ཀུན།། ཇི་ལྟར་འབྱོར་ཅིང་འཚམས་པར་འོས།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ
423b2 བཀོད་པ་ཀུན་འདུས་རིག་པའི་མདོ་ལས་དྲེགས་པ་ཅན་གནོན་པ་ཞེས་བྱ་བའི་ལེའུ་སྟེ་ཉི་ཤུ་པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་ཚོགས་འཁོར་བའི་རྒྱ
423b3 མཚོ་ཟད་པར་བྱེད་པའི་ཞལ་གྱི་དཀྱིལ་འཁོར་ཞེས་བྱ་བ་བསྒྲུབ་པའི་དོན་ནི་འདི་ལྟ་རིག་པར་བྱའོ།། འདི་ཡང་དེ་འདྲར་ཀུན་སྦྱར་ནས།། འཁོར་ཁང་ཅན་གྱི་གཞལ་ཡས་སུ།། ཁྲུ་གང་གྲུ་བཞིའི་ཚད་དེ་ལ།། བཞི་ནི
423b4 འཁོར་ཁང་ཁྱམས་དེ་དག། ཕྱོགས་བཞི་དག་ཏུ་བརྩམས་པར་བྱ།། དྲི་ཞམ་ཙནྡན་འདི་གུ་བཏང་།། དྲི་སྤོས་ཚོམ་བུ་རིན་ཆེན་ཕྲོག། སྦྱིན་མཆོད་རྒྱས་པར་དེ་བཤམ་བྱ།། ལྷ་ཡི་དགེ་བསྙེན་རྣམ་པ་བཞི།། ཕྱོགས
423b5 མཚམས་བསྲུང་བའི་ལས་རྣམས་བསྒོ།། ཁྱམས་ཀྱི་ནང་རིམ་ཕྱོགས་མཚམས་སུ།། ཆག་ཕྱེད་པ་ཡི་སྟེགས་བུ་བཅུ།། བསྐལ་པའི་མེ་དཔུང་འབར་བྲིས་ལ།། སྣ་ཚོགས་རྒྱུ་ལས་བྱས་པ་ཡིས།། མཐུན་པའི་གཟུགས་བཅུ
423b6 དབབང་བསྐུར་ཏེ།། ཁྲོ་བོ་གར་གྱི་ནང་མཚམས་གཅད།། དེ་ནས་མ་ཏྲཾ་གནོན་པར་བྱ།། དྲེགས་པར་རུ་དྲ་སྡིག་ཅན་འདི།། ནམས་ཀྱང་བསྒྲལ་བའི་ཞིང་ཡིན་ཏེ།། ཛཿཧཱུཾཿབཾ་ཧོཿམ་ཧཱ་ཤྲཱི་ཧེ་རུ་ཀ་མ་ཏྲཾ་རུ་དྲ་ཧ་ཧ་པྲ་བེ་ཤ
iiif viewer powered by OpenSeadragon
