| e-texts navigator |
| Wylie |
423a1 འཛིན་དམ་པོའི་རྟོད་ཐག་བཅད།། དུག་གསུམ་རྣམ་རྟོག་རྟོད་ཕུར་དབྱུང་།། ངན་སོང་འདམ་ནས་དྲངས་ནས་ནི།། ཉོན་མོངས་དཔུང་རྒོད་དེ་བཏུལ་ནས།། ཡེ་ཤེས་ཐབས་ཀྱིས་རྣམ་སྦྱངས་ཏེ།། ནམ
423a2 མཁའ་ཀློང་དུ་དམིགས་མེད་པར།། བདེ་ཆེན་མཆོད་པའི་ཚོགས་ཆེན་དག། རོ་མཆོག་ལྔ་དང་མཉམ་སྦྱར་བས།། ཆོས་ཀྱི་ལོངས་སྤྱོད་རྒྱས་པར་སྦྱར།། མཉམ་ཉིད་བདེ་བའི་སྙིང་རྗེ་ཡིས།། དྲེགས་པ་ཆེན་པོ་གཞོམ་པ
423a3 དང་།། འཁོར་བའི་དྲ་བ་གཅད་པའི་ཕྱིར།། ཁྲོ་ཚོགས་འབར་བའི་སྤྲིན་འཕྲོས་པས།། གཏུམ་ཐུང་རྔམ་པ་མགྱོགས་པའི་ཚོགས།། ཕྱག་བརྙན་ཆར་ཆེན་ཕབ་ནས་ནི།། འཁོར་བའི་ཐ་བ་སྤངས་ནས་ནི།། བདེ་བ་ཆེན
423a4 པོའི་ཞིང་བཟློག་སྟེ།། བྱང་ཆུབ་མྱུ་གུ་བསྐྱེད་ནས་ནི།། བྱང་ཆུབ་སེམས་དཔའི་ལོ་ཏོག་བསྐྱེད།། དུར་ཁྲོད་ཆེན་པོའི་བཞིན་ཕྱོགས་ནི།། མགོ་ནི་ལྷོ་ནུབ་མཚམས་སུ་བཏིང་།། རྐང་པ་བྱང་ཤར་མཚམས་སུ་བཏིང་།།
423a5 ནི་དུར་ཁྲོད་དབང་ཕྱུག་ཆེ།། སངས་རྒྱས་སྐུ་སྟེ་ཡེ་ཤེས་ཡིན།། ཐུགས་རྗེ་རྣོན་པོའི་དམག་ཚོགས་ལ།། ཡེ་ཤེས་རྣོན་པོའི་མཚོན་ཆ་ཡིས།། ལོག་རྟོག་འཁོར་བའི་རྒྱུན་བཅད་དོ།། གྲུ་བཞི་ཁ་བཞིར་རྡོ་རྗེ་ཡི།། དབྱིངས
423a6 འདྲའི་ཐབ་ནི་བརྩིགས་ནས་ཀྱང་།། སྙིང་གར་འཁོར་ལོའི་ཐབ་ཏུ་བྱ།། རིགས་ཀྱི་ཡམ་ཤིང་ལྔ་བརྩིགས་ཏེ།། ཧོམ་ལྔ་འབྲེལ་པའི་ལས་ཆེན་བརྩིགས།། ཐབས་ཆེན་ལྔ་ཡི་ཧོམ་ཁུང་དུ།། འཁོར་བའི་སྡུག་བསྔལ་ཡམ
iiif viewer powered by OpenSeadragon
