| e-texts navigator |
| Wylie |
422b1 བཞིར་རྡོ་རྗེའི་སྒོ་བ་བཞི།། ཡན་ལག་སྤྲུལ་པའི་མགོ་བརྙེན་གནས།། ཕྱི་ཁྱམས་རྡོ་རྗེ་མི་རིར་བྱ།། དེ་ཡི་ཕྱིར་རོལ་ཕྲེང་ཆེན་གཏམས།། སྐམ་དང་ར་རི་རློན་པས་བསྐོར།། དེ་ཡི་ཕྱིར་རོལ་མེ་བུར་འཚུབ།། བསྐལ་པའི
422b2 བུ་ཡུག་བྲི་བར་བྱ།། རྡོ་རྗེ་སྒོ་ཁྱུད་སྒོ་ཁང་དུ།། གུ་གུ་ཐུལ་དང་ཟ་ར་ཚགས།། ཞིང་དང་སྦྲུལ་གྱི་ཆུན་པོ་བྲི།། དེ་ནས་བནྡ་དཔལ་ལྡན་ལ།། རྡོ་རྗེ་དཔལ་གྱི་ཡི་གེ་དག། བྲིས་ལ་ཁ་སྦྱར་སྦུབ་སྟེ་གཞག། གའུ་ཆུང་ལ
422b3 རལ་པ་ཅན།། བརྒྱད་བྲིས་འབྱུང་བའི་གནས་སུ་གཞག། ལས་བྱེད་བརྒྱད་དམ་བཅུ་གཉིས་ལ།། ལས་བྱེད་བཅུ་གཉིས་བྲིས་ལ་འགོད།། ཐར་པ་གནས་ཀྱི་དཀྱིལ་འཁོར་དུ།། གདོལ་པ་འབྱུང་པོ་ང་རྒྱལ
422b4 ཅན།། ཆགས་སྡང་རྣམས་ཀྱིས་བསླད་པའི་རྒྱུ།། དེ་ཡི་དུག་གསུམ་བཤིག་པའི་ཕྱིར།། དོན་གྱི་བསྒྲུབ་པ་ཆེན་པོ་བཤད།། དུ་དྲ་ལྔ་ཡི་ཚོགས་ཆེན་ཏེ།། ཏིང་འཛིན་ཡེ་ཤེས་ལྔས་བཅོམ་ནས།། རྡོ་རྗེ་དྲོད་ཀྱིས་རྣམ་པར
422b5 སྦྱར།། མདོ་ཡིས་ས་ལ་སྟབས་གཅིག་ཏུའོ།། བགེགས་ཀྱི་བགེགས་ཏེ་བགེགས་ཆེན་པོ།། དུག་ལྔ་རྟོག་པ་ཉིད་ལས་སྐྱེས།། ཕྱེད་དག་གསུམ་གྱི་དུར་ཁྲོད་ན།། གཞི་རྩ་ངག་དང་ལུས་སེམས་སོ།། བརྗིད་ལྡན་དཔལ
422b6 ཆེན་དུར་ཁྲོད་བདག། བདག་རྟོག་རྟོག་འཇོམས་ཏིང་འཛིན་གྱིས།། སྲིད་གསུམ་རུ་དྲ་དུར་ཁྲོད་དུ།། ཚོགས་བདག་ཅེན་པོ་དེ་བརྒྱད་བྱ།། མ་རིག་མུན་ཁང་སྒོ་ཕྱེད་ནས།། གླང་ཆེན་སྨྱོན་པ་དེ་བཟུང་ནས།། གཟུང
iiif viewer powered by OpenSeadragon
