| e-texts navigator |
| Wylie |
422a1 བྱ།། རྩིབས་མཆོག་བརྒྱད་ལ་ཟླ་གམ་ནི།། ནང་དུ་ལྟ་བ་དེ་བརྒྱད་བྲི།། རྩིབས་མཚན་བརྒྱད་ལའང་དེ་བཞིན་ཏེ།། རྡོ་རྗེ་སྒོ་མོ་བཞི་རྣམས་ཏེ།། ཕྱག་རྒྱ་རིམ་པར་བཀྲམ་བྱས་ནས།། བསྒྲུབ་པའི་ལས
422a2 རྣམས་ཀུན་རྫོགས་བྱའོ།། དེ་ལྟར་གྲུབ་པའི་རྣལ་འབྱོར་པ།། འཇིག་རྟེན་པ་དང་འཇིག་རྟེན་ལས།། འདས་པའི་ཆོ་འཕྲུལ་ཐམས་ཅད་ལ།། དབང་སྒྱུར་བྱེད་པའི་རྒྱལ་པོར་འགྱུར།། ཞེས་གསུངས་སོ།། རྒྱུད་ཀྱི་རྒྱལ་པོ
422a3 ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་ཐིག་ལེ་སྒྲུབ་པའི་ལེའུ་ཞེས་བྱ་སྟེ་བཅུ་དགུ་པའོ།། །། དེ་ནས་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་རྣམས
422a4 དྲེགས་པ་ཅན་གྱི་ཚོགས་ཐམས་ཅད་ལ་དབང་སྒྱུར་བར་འདོད་ན་འདི་ལྟར་རིག་པར་བྱའོ།། འདི་ནི་བྱས་ལ་སོགས་པའི་ལས།། འདི་ལྟར་འབྱོར་དང་ཕུན་སུམ་ཚོགས།། ཐབས་ལ་མཁས་དང་ཡོ་བྱད་དང་།། ཇི་ལྟར
422a5 རིག་པར་འདིར་བསྡུ་བྱ།། དེ་ནས་མཎྜལ་འདྲ་ཅིག་ལ།། དུར་ཁྲོད་མགོ་མ་ཡང་དུ་བྱ།། ཟུར་བཞི་མཎྜལ་བཞི་བྱས་ལ།། བཞི་ལས་དེ་བཞིས་ཆག་རེས་བསྟོད།། དེ་ཉིད་མ་ཏང་གཟུགས་སུ་བྱ།། སྙིང་ག་མན་ཆད
422a6 དབུས་སུ་བསྣོལ།། དཀྱིལ་འཁོར་ཆེན་པོའི་འོག་ཏུ་གཞུག། འཁོར་ལོ་འབར་བའི་ཐིག་བཏབ་སྟེ།། དཔལ་ཆེན་ལྔ་ཡི་ཕྱག་རྒྱ་བྱ།། ཁྱམས་གཉིས་དག་གིས་མཛེས་པ་ལ།། གནས་དང་ཡུལ་གྱི་ཕྱག་རྒྱ་དགོད།། སྒོ
iiif viewer powered by OpenSeadragon
