| e-texts navigator |
| Wylie |
421b1 བཞིན་སྦྱར་བྱས་ནས།། ཕྱིར་ཀུན་དུ་གྲུ་བཞི་ལ།། ཐིག་ལེ་ཟླ་བ་གཅིག་ཏུ་བྱ།། དེ་ལ་སྲད་དབུ་བཞི་བསྣོལ་བས།། ལེའུ་ཚེ་དགུ་རུ་གྱུར་པར་བྱ།། ཕྱི་རོལ་མུ་ཁྱུད་ཐོས་པས་བསྐོར།། གྲུ་བཞི་གྲུ་ཆད་རབ་མཛེས
421b2 བརྒྱན།། དེ་ཡི་མཐའ་ཟད་ཁྱམས་གཅིག་ལ།། སྒོ་གདོང་སྒྲུབ་པ་པོ་ལ་ལྷ།། དབུས་སུ་ཐིག་ལེ་དཀར་དམར་ལ།། ཁ་སྦྱོར་བར་དག་རྡོ་རྗེས་འབྲེལ།། དེར་ནི་དཔལ་ཆེན་ཡབ་ཡུམ་བཞུགས།། ཕྱི་མཚམས་ལེའུ་ཚེ་དེ
421b3 བརྒྱད་ལ།། ཟླ་གམ་བརྐྱང་བ་བརྒྱད་བྱས་ཏེ།། ཡེ་ཤེས་གནས་ཀྱི་མ་བརྒྱད་དགོད།། ཕྱི་རོལ་སྒོ་གཅིག་ཁྱམས་དེ་ལ།། བསྒྲུབས་པའི་རྫས་ཀྱིས་མཛེས་པར་དགྲམ།། བསམ་བྱ་བསྒྲུབ་པ་ལ་སོགས་ཀུན།། ཐམས་ཅད
421b4 དེ་བཞིན་འདིར་སྦྱར་བྱ།། འདི་ལྟར་གྲུབ་པའི་སྐྱེས་བུ་གང་།། ཆོས་ཀྱི་རྒྱལ་པོར་རྒྱུ་པ་སྟེ། ཐམས་ཅད་ཀུན་ལ་དབང་སྒྱུར་བའི།། སྐྱེས་བུ་ཆེན་པོར་དེ་འགྱུར་རོ།། ཞེས་གསུངས་སོ།། དེ་ནས་ཡང་སེམས་དཔའི་རྡོ་རྗེ
421b5 དེས་ཆོ་འཕྲུལ་ཐམས་ཅད་ལ་དབང་སྒྱུར་བ་ཞེས་བྱ་བ་འདི་གསུངས་སོ།། འདུས་པ་ཆེན་པོའི་རྣལ་འབྱོར་པ།། འདི་ཡང་ཐམས་ཅད་དེ་འདྲར་སྦྱར།། ཀུན་ཏུ་གྲུ་བཞིར་ལྡན་འགྱུར་བ།། འཁོར་ལོ་རྩིབས་བརྒྱད་དག་ཏུ
421b6 བྱ།། གྲུ་ཆད་བཞི་ཡི་ཕྱི་རོལ་དུ།། སྒོ་བཞི་དག་དང་ལྡན་པར་བྱ།། ཕྱི་ཁྱམས་དམར་ནག་མེ་རི་ཀློང་།། ཤིན་ཏུ་བརྗིད་ཅིང་འཇིགས་པར་བྲི།། ཐིག་ལེ་དབུས་ཀྱི་སྙིང་པོ་ལ།། ཟླ་གམ་འབར་བས་མཚན་པར
iiif viewer powered by OpenSeadragon
