| e-texts navigator |
| Wylie |
421a1 གཏོར་མ་དག། ཆ་གསུམ་དང་པོ་སྦྱིན་སྲེག་བྱ།། བར་མ་མི་ཟད་གཏེར་དུ་སྦ།། བྱང་ཆུབ་སེམས་ཀྱི་ཆུ་བོ་དང་།། ཆོས་ཉིད་ནམ་མཁའི་དབྱིངས་ཆེན་དང་།། བྷ་ག་ཡུམ་གྱི་ས་གཞི་ལ། ཤིན་ཏུ་སྦ་བའི
421a2 ཚུལ་དུ་སྦྱར།། ཆ་གཅིག་གཞལ་ཡས་ཤར་སྒོ་ནས།། བཅུ་གསུམ་བཙལ་བར་སྟེགས་བུ་བྱ།། དེར་ནི་གནས་བདུན་གཙོ་རྣམས་ཀྱང་།། དེ་བཞིན་བཅུ་གསུམ་ལམ་རེ་ལ།། གནས་ཀྱི་མགྲོན་ནི་མ་སྲིང་རྣམས།། བདུན
421a3 ཅུ་བར་དུ་ཀུན་རྫོགས་བྱ།། ཐ་མར་མཎྜལ་ཟླ་གམ་ལ།། ནུས་ན་མཁའ་འགྲོ་ནམ་མཁའི་ཧོམ།། རྫོགས་བྱ་མ་ལས་དེ་མགུ་བྱ།། ལྷག་མར་གྱུར་པ་ཀུན་རྫོགས་བྱ།། སྙིགས་མར་གྱུར་པ་ཐམས་ཅད་ཀྱང་།། སྦའམ
421a4 བསྲེགས་ག་ལ་ཆུ་ཀླུང་འདོར།། རྡོ་རྗེ་གནས་ཆེན་དེ་བསྲུངས་ཏེ།། གནས་ནི་སྦ་ཕྱིར་སུ་དག་གསང་།། མི་རིགས་ཕྱིར་མ་མཚན་མ་དག། རང་རང་གནས་སུ་སླེབས་པར་བྱ།། གང་དག་འདུ་ཚེའང་དེ་བཞིན་ནོ།། འདི
421a5 ནི་ཐེག་ལེ་གཅིག་པ་ཡི།། བསྒྲུབ་ལུགས་ཡིན་པར་རྒྱལ་བས་བཤད།། འདི་དག་སྒྲུབ་པའི་སྐྱེ་བུ་ནི།། ཟླ་བའི་འཁོར་ལོ་ལ་གནས་ནས།། ཉི་མའི་འཁོར་ལོ་ཐོགས་ནས་ནི།། ཡང་དག་ཆོས་ཀྱི་དབྱིངས་ཉིད
421a6 ལ།། དབང་སྒྱུར་བྱེད་པའི་རྒྱལ་པོར་འགྱུར།། ཞེས་གསུངས་སོ།། ཡང་སེམས་དཔའ་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། འདི་ཡང་རིམ་གྱིས་གོང་མ་ལྟར།། ཐམས་ཅད་ཚུལ
iiif viewer powered by OpenSeadragon
