| e-texts navigator |
| Wylie |
420b1 བར་འདོད་ན་སླར་བཟློག་བྱ།། དེས་ན་སྒྱུ་མའི་གཡེང་བ་ཅན།། དྲང་བའི་ཐབས་ཀྱིས་བཀྲི་བར་བྱ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྒྱུ་མ་རྡོ་རྗེའི་སྒྲུབ་ལུགས་ཀྱི་ལེའུ་བཅོ
420b2 བརྒྱད་པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་ཚོགས་ཆོས་ཐམས་ཅད་དབང་སྦྱར་བར་འདོད་ན་འདི་ལྟར་རིག་པར་བྱའོ།། ཕུན་སུམ་ཚོགས་པ་ཀུན་ལྡན
420b3 ནས།། སྟེགས་བུ་ལུན་དུ་གྲུ་བཞི་ལ།། མུ་ཁྱུད་གཅིག་ཏུ་བསྐོར་ནས་ནི།། ཟླ་བ་ཁམ་པའི་དབྱིབས་སུ་སྦྱར།། སྒོ་བཞི་གྲུ་ཆད་བཞིར་ལྡན་བྱ།། དབྱིབས་ཀྱིས་ཐིག་ལེ་ཟླུམ་པོ་ལ།། རྡོ་རྗེ་དང་ནི་ཉི་མས
420b4 བསྐོར།། དབུས་སུ་བྷན་དྷ་དཔལ་ལྡན་ལ།། དཔལ་ཆེན་ཡབ་ཡུམ་སྦྱར་ལ་གཞག། ཚོལ་བུ་བརྒྱད་ལ་གནས་བརྒྱད་སྦྱར།། ལྟེ་བ་བསྐོར་ཏེ་རིམ་པར་གཞག། ཐིག་ལེ་ཤར་གྱི་སྒོ་གང་དུ།། རྡོ་རྗེ་རྣལ་འབྱོར་གསང་མིང
420b5 དང་།། དངོས་གྲུབ་གསོལ་བྱ་བྲིས་ལ་གཞག། མཆོད་པའི་ཁྱམས་སུ་གྱུར་པ་ལ།། བསྒྲུབ་པའི་རྫས་དང་མཆོད་པ་རྣམས།། རིམ་པ་བཞིན་དུ་མཛེས་པར་དགྲམ།། རྡོ་རྗེ་རྣལ་འབྱོར་དེ་དག་རྣམས། རྡོ་རྗེ་ལྷགས་པའི
420b6 རྟགས་ཀྱིས་མཚན།། ཏིང་འཛིན་དཀྱིལ་འཁོར་རྫོགས་བྱས་ནས།། སྤྱན་དྲངས་མཆོད་པ་ཀུན་བསོགས་ཏེ།། འཇུག་དང་དངོས་གྲུབ་གསོལ་བ་དང་།། དབང་བསྐུར་ལས་རྣམས་ཀུན་རྫོགས་ནས།། རྨད་དུ་བྱུང་བའི
iiif viewer powered by OpenSeadragon
