| e-texts navigator |
| Wylie |
41b1 ཨེ་མ་ཧོ།། ངོ་བོ་བདེ་བ་ཆེན་པོ་རྫོགས་པ་ཆེན་པོའི་རྣལ་འབྱོར་པས་ནི་རྩོལ་བ་ཐམས་ཅད་མ་སྤངས་རང་སར་དག་ཅིང་དོན་ཐམས་ཅད་རང་ལ་འདུས་པར་ཤེས་པར་བྱའོ།། གཞན་གང་དུ་ཡང་སེམས་བསྐྱེད་ཅིང
41b2 འཇུག་པར་བྱེད་པ་ནི་ཉིད་ལས་གཞན་དུ་རིང་པར་ཤེས་པར་བྱའོ།། རྒྱུད་ཀྱི་དམ་པ་ནི་སེམས་ཀྱི་དངོས་པོ་གཞི་རིག་པ་རང་ལ་བརྟེན་ནས་དོན་ཐམས་ཅད་སྡུད་པའོ།། དངོས་གྲུབ་ཐམས་ཅད་ཀྱང་རིག་པ་རང་གི
41b3 བསླབ་ལས་བྱུང་བའོ།། སངས་རྒྱས་ཐམས་ཅད་བསྐྱེད་ཅིང་བགེགས་དང་རྟོག་པ་ཐམས་ཅད་རང་གིས་རང་གཞོམ་པའོ།། མཆོག་དང་མཆོག་མ་ཡིན་པའི་འདོད་པ་ཐམས་ཅད་ནོར་བུ་རིན་པོ་ཆེ་རང་རིག་པ་ལས
41b4 འཕེལ་བའོ།། ཡོན་ཏན་མ་ལུས་པའི་ཚོགས་ཐམས་ཅད་གསང་བ་མཆོག་གི་རང་བཞིན་ནོ།། འཇིག་རྟེན་དང་འཇིག་རྟེན་ལས་འདས་པའི་བདག་ཉིད་ནི་ཆོས་ཐམས་ཅད་མི་ཕྱེད་པའི་རང་བཞིན་ཅན་ནོ།། རིག་པ་བྱང
41b5 ཆུབ་ཀྱི་སེམས་ནི་སྔོན་གྱི་རྒྱལ་བ་ཀུན་གྱིས་མྱེས་ཆེན་པོ་ཡང་ཡིན། ད་ལྟ་ཉིད་ཀྱི་སྐུ་གསུང་ཐུགས་ཀྱི་བདག་ཉིད་ཀྱང་ཡིན་ཏེ་མི་ཟད་པའི་འཁོར་ལོ་ཐམས་ཅད་རང་ལ་བསྐོར་བའོ།། དེ་ཉིད་ཀྱང་རང་སྣང་གཞན་དུ་མི
41b6 གནས་པ་ནི་སྣང་བ་རྒྱ་ཡན་ཆེན་པོ་ཞེས་བྱ་སྟེ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐུགས་རིག་པའི་གའུ་ནས་འོད་གསལ་ཆགས་པ་མེད་པར་རང་སྣང་ཞིང་ཆགས་པ་མེད་པར་འདུག་པའོ།། དྲན་པ་དང
iiif viewer powered by OpenSeadragon
