| e-texts navigator |
| Wylie |
41a1 བསྡུས་པའི་ཆོས་ཐམས་ཅད་རིག་པ་རང་བྱུང་གི་ཡེ་ཤེས་ཀྱི་མཐུ་ལས་གྱུར་པའོ།། རིག་པ་འགྱུར་མེད་ཀྱི་ཤེས་པ་རླུང་གི་རྟས་བསྐྱོད་ཅིང་སྣང་བ་ནི། གང་དུ་ཡང་འཆར་ཏེ་ཅི་སྲིད་འཁོར་བའི་ཆོས་དང
41a2 མྱ་ངན་ལས་འདས་པའི་ཞིང་དུ་ཡང་འཆར་དུ་རུང་བ་ནི་རྩལ་ཉིད་དོ།། རིག་པ་ཉིད་ཆོས་ཐམས་ཅད་ལ་དབྱེ་བསལ་མེད་པ་ནི། ཡོངས་སུ་རྫོགས་པའི་ཆོས་ཉིད་དོ།། རང་བཞིན་གཅིག་ལས་མ་གཡོས་པར་རང་སྣང
41a3 ཅིར་ཡང་འགྱུར་བ་ནི་སངས་རྒྱས་ཉིད་ཀྱི་སྤྲུལ་པའོ།། རིག་པ་ཉིད་ཅིར་ཡང་འཆར་བ་མི་འགག་པ་ལ་སྐྱེ་བ་མེད་པའི་རྒྱས་ཐེག་པ་ནི་མི་སྐྱེ་བ་ལམ་འགགས་པའོ།། སྣ་ཚོགས་སུ་སྣང་ཡང་རིག་པའི་ཆོ་འཕྲུལ་ལས་བྱང
41a4 ཆུབ་སེམས་ནི་གཞན་དུ་སྐྱེ་བའི་ས་མེད་དོ།། སྣང་བ་ཐམས་ཅད་ཡེ་སངས་རྒྱས་པ་ཡང་རིག་པ་རང་གི་སྟོབས་ཀྱིས་ཤར་བའོ།། ལྷུན་གྱིས་གྲུབ་པའི་ཆོས་ཉིད་ལ་ནི། སྣང་རྟགས་གང་དུ་ཡང་མ་ཕྱེ་བར་གསལ་ལ
41a5 དབྱེར་མེད་པའོ།། ཆོས་ཉིད་བདེ་བ་ཆེན་པོ་བསམ་རྟོག་དང་བྲལ་བར་ཅིར་ཡང་སྣང་བ་ནི། རིག་པ་བྱང་ཆུབ་ཀྱི་སེམས་གཟུང་དུ་མེད་པའི་ཆོས་ཉིད་དོ།། དེ་ཉིད་བདེ་བ་ཆེན་པོའི་དོན་དུ་ཉམས་སུ་མྱོང་ཞིང་གསང་བ
41a6 བླ་ན་མེད་པར་གྲུབ་པ་ནི་ཡེ་སངས་རྒྱས་པ་ཞེས་བྱའོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། ཁྱད་པར་ཆེན་པོའི་ལེའུ་སྟེ་ལྔ་པའོ།། །། དེ་ནས་ཡང་ཉིད་ཀྱི་རང་བཞིན་གྱིས་དོན་གསང་བར་གསུངས་པ།
iiif viewer powered by OpenSeadragon
