| e-texts navigator |
| Wylie |
419b1 གཞག། ལྕེ་ལ་གཟུངས་ཐག་སྣ་ལྔས་གདགས།། རྣལ་འབྱོར་རྣམས་ཀྱིས་བསྐོར་བར་བྱ།། ཕྱག་རྒྱ་རྫས་དང་བཅས་པར་དགྲམ།། དེ་ཡི་ཁོག་དུ་གཞལ་ཡས་བསྐྱེད།། རིམ་པར་བརྩེགས་པའི་དཀྱིལ་འཁོར
419b2 ནི།། འབར་བའི་འབྱུང་ཆེན་འབར་བ་ལྔ།། དོན་གྱི་ལྷ་མོ་ལྔ་རུ་གསལ།། ཀུན་གཞི་ཀུན་ཏུ་བཟང་མོར་གསལ།། དེ་ཡི་ཐུགས་ཀྱི་ཁོག་ཐག་ཏུ།། ཐིག་ལེ་ཟླ་བ་ཉ་རྒྱས་ལ།། ཡེ་ཤེས་སེམས་དཔའ་ཚོན་གང་བ།། ཐུགས
419b3 ཀར་ནོར་བུ་རིན་ཚོན་འབར།། དབུས་སུ་ཉི་མའི་གའུ་ལ།། དཔལ་བེའུ་ཡུངས་འབྲུའི་བུམ་པ་ལ།། ཧཱུཾ་དམར་ཏིལ་འབྲུར་གནས་པ་ནི།། བདེ་ཆེན་བྱང་ཆུབ་སེམས་ཞེས་བྱ།། རྡོ་རྗེ་གསང་ཐག་རྒྱུན་མི་གཅད།། རྡོ་རྗེ་ཁ
419b4 པྲ་གདབ་པར་བྱ།། དེ་ནས་མཚན་མ་བྱུང་གྱུར་ན།། དངོས་གྲུབ་བླངས་ཏེ་དེ་བསྒྲལ་ལ།། བསྐམས་ཏེ་བདུད་རྩི་རྩ་བར་བྱ།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས
419b5 མཆོག་ཕྲན་ཟབས་ཀྱིས་བསླབ་ལུགས་ཀྱི་ལེའུ་སྟེ་བཅུ་བདུན་པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་ཚོགས་ཆོས་ཐམས་ཅད་ནི་སྒྱུ་མའི་རང་བཞིན་དུ
419b6 ཤེས་པར་བྱའོ།། དེ་ཅིའི་ཕྱིར་ཞེ་ན། སྒྱུ་མ་ནི་དངོས་པོར་སྣང་ཡང་རང་བཞིན་མེད་པ་ཡིན་ཏེ། རང་བཞིན་མེད་པའི་དོན་ནི་ཆོས་ཉིད་རྡོ་རྗེ་ཡིན་ནོ།། དེ་བས་ན་སྒྱུ་མའི་ཆོས་ཐམས་ཅད་ཁོང་དུ་ཆུད་པར་བྱའོ།། དེ་ནས
iiif viewer powered by OpenSeadragon
