| e-texts navigator |
| Wylie |
418a1 དག་ཀུན་རྫོགས་ན།། མི་གནས་ཡེ་ཤེས་ཆེན་པོའི་རྒྱུ།། ཕྲ་མོའང་ནན་ཏན་མཆོག་ཏུ་བྱའོ།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་མངོན་ཤེས་རིག
418a2 པའི་བསྒྲུབ་ལུག་ཀྱི་ལེའུ་ཞེས་བྱ་སྟེ་བཅོ་ལྔ་པའོ།། །། དེ་ནས་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་ཚོགས་མཆོག་ཆེན་པོའི་བསྒྲུབ་ལུགས་ནི་འདི་ལྟར་རིག་པར་བྱའོ།།
418a3 དོན་ལ་བརྩོན་པའི་རྣལ་འབྱོར་པས།། ལས་ཀྱི་སྟེགས་བུ་ཆགས་ཕྱེད་པ།། མེ་རིས་བསྐོར་ཏེ་འབར་བར་བྱ།། དཀྱིལ་འཁོར་དེ་ཡི་མཎྜལ་ནི།། སུམ་བརྩེགས་བྱས་པའི་དབུས་ཟླ་གམ།། བརྒྱད་ཀྱིས་མཛེས་པར་བྱ
418a4 བའོ།། ཕྱི་མཐའ་ཐོད་པའི་ཕྲེང་བས་བསྐོར།། དེ་མཐའ་མེད་དཔུང་འབར་བས་བསྐོར།། དེ་ཡི་ཕྱི་མཐའ་དམར་ཆེན་རྒྱས།། ཟླ་གམ་དབུས་སུ་དཔལ་ཆེན་འབར།། ཟླ་གམ་བརྒྱད་ལ་གནས་བདག་བརྒྱད།། མཐིང
418a5 ནག་ཡ་ཐ་མེ་རི་འབར།། དེ་འོག་ཐོད་པ་ཚར་གསུམ་དང་།། སྒོ་ཁྱམས་དུར་ཁྲོད་རྫས་ཀྱི་བསྐོར།། སྒོ་བརྩེགས་སྒོ་ཁྱུད་ཐ་མ་བྲན།། ཐམས་ཅད་གང་ཡིན་དེ་ལྟ་སྦྱར།། ཕུན་སུམ་ཚོགས་པར་གྱུར་པ་ན།། རྣམ་བཞི
418a6 ལས་ཀྱི་མཎྜལ་བརྩམ།། འཇིགས་བྱེད་བསྐལ་པའི་དཀྱིལ་འཁོར་དུ།། ཟ་བྱེད་འབར་བའི་ཕྱག་རྒྱ་ཡིས།། ཐར་པ་ཙ་ར་བསྒྲལ་བའི་ཕྱིར།། དྲོད་ལྡན་མན་ངག་འཆང་བ་དེས།། མཆོག་གི་བྱིན་བརླབས་གཞག་པར
iiif viewer powered by OpenSeadragon
