| e-texts navigator |
| Wylie |
417a1 པར་མངོན་དུ་གྱུར་ན་མི་གནས་པའི་ཡེ་ཤེས་ཆེན་པོ་ཉིད་དེ་ཡིན་ནོ།། དེ་བས་ན་མངོན་པར་ཤེས་པ་རྣམས་དྲན་པ་མངོན་སུམ་མར་ཡིད་ལ་བྱོས་ཤིག་དེ་སྐད་ཅེས་གསུང་བ་དང་། མངོན་ཤེས་རིག་པའི
417a2 དྲང་སྲོང་ཆེན་པོ་རྣམས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་མངོན་པར་ཤེས་པ་ནི་བདག་ཅག་རྣམས་ཀྱི་དམ་ཚིག་ལགས་སོ།། བཅོམ་ལྡན་འདས་ཀྱིས་བདག་ཅག་རྣམས་ཀྱི་དམ་ཚིག་བཤད་དུ་གསོལ
417a3 ཞེས་ཞུས་པ་ལས།། བཅོམ་ལྡན་འདས་ཀྱི་བཀའ་སྩལ་པ། རིག་འཛིན་ཆེན་པོ་རྣམས་ཡེ་ཤེས་ཆེན་པོའི་རྒྱུ་མངོན་པར་ཤེས་པ་ནི་རྣམ་པ་ལྔར་རིག་པར་བྱའོ།། མིག་གི་དབང་པོ་ཐམས་ཅད་ལས། ཞིབ་ཏུ་བཏགས
417a4 པའི་ཕྱེ་མར་བྱ།། བཅུད་ཀྱི་སྙིང་པོར་སྦྱར་བྱས་ནས།། མཐོང་བའི་སྙིང་པོ་འབུམ་བཟླས་ན།། ཐམས་ཅད་མ་ལུས་མཐོང་བར་འགྱུར།། འདི་ནི་མིག་གི་མངོན་ཤེས་སོ།། རྡོ་རྗེ་ལྕེ་ཡིས་བརྗོད་པའི་ཚིག། དུས་སམ་རྐུན
417a5 དུ་བརྗོད་པར་བྱའོ།། བཛྲ་ཙཀྵུ་གརྦྷ་བིདྱཱ་ཧཱུཾ། རྣ་བའི་དབང་པོ་ཐམས་ཅད་ཀྱང་།། བཏགས་སམ་ཕྱེ་མར་བྱས་ནས་ནི།། བཅུད་ཀྱི་སྙིང་པོར་སྦྱར་བྱས་ཏེ།། ཟོས་པའི་སྙིང་པོ་འབུམ་བཟླས་ན།། སྒྲ་ཡི་བྱེ་བྲག་ཐམས
417a6 ཅད་ཐོས།། འདི་ནི་རྣ་བའི་མངོན་ཤེས་སོ།། རྡོ་རྗེ་ཚིག་ཏུ་བརྟག་པ་ནི།། བཛྲ་གརྦྷ་སྟ་མ་སི་ཧོ།། སྣ་ཡི་དབང་པོ་ཐམས་ཅད་ཀུན།། བསྐམས་སམ་ཕྱི་མར་བྱས་ནས་ནི།། བཅུད་ཀྱི་སྙིང་པོ་སྦྱར་བྱས་ཏེ།། དྲི་སྣ་ཚོགས
iiif viewer powered by OpenSeadragon
