| e-texts navigator |
| Wylie |
416b1 དཔལ་བེའུ་དགུ་ནི་ཐུགས་ལ་འབར།། འབྱུང་ཆེན་དག་ནི་ཀློང་དུ་འཁྱིལ།། ཁུ་བྱུག་དགུ་ནི་རང་སྐད་རྫོགས།། བྷ་ན་དྷ་དགུར་ནི་དཔལ་དང་ལྡན།། ཟླ་གམ་དགུ་ནི་ཡུམ་གྱི་དབྱིངས།། ཐེག་ལེ་དགུ་ནི་བྱང་ཆུབ
416b2 སེམས།། ཉི་ཟླ་དགུ་ནི་འོད་འཕྲོས་འབར།། དེ་ལྟར་དགུ་དགུར་གསལ་བ་ཡི།། དགུ་ཀློང་བྷ་ག་གཅིག་གི་ངང་།། དགུ་བཀག་གཅིག་ཕྱེ་ཐིག་ལེའི་དོན།། ཐམས་ཅད་འབྱོར་བ་རྒྱས་བྱས་ལ།། བམ་དགུ་ཕན་ཅད་སྨན
416b3 དུ་སྦྱར།། རྫས་ཀྱི་དངོས་གྲུ་བླངས་ཏེ་སྐྲད།། ཅེས་བཅོམ་ལྡན་འདས་སེམས་དཔའི་རྡོ་རྗེས་གསུངས་སོ།། རྒྱུད་ཀྱི་རྒྱལ་པོ་ཆེ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྨད་བྱུང་རྫས་ཀྱི་ལེའུ་སྟེ་བཅུ་བཞི
416b4 པའོ།། །། དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་ཚོགས་ཆོས་ཐམས་ཅད་ནི་མངོན་སུམ་དུ་ཤེས་ཤེས་རིག་པར་བྱའོ།། མངོན་སུམ་གང་ཞེ་ན། དྲན་པ་མངོན་སུ
416b5 བཞག་པས་ཡུལ་ལ་མི་གནས་པའི་ཆོས་ཐམས་ཅད་དང་།། ཕྱིས་འབྱུང་བའི་ཆོས་ཐམས་ཅད་དང་།། སྔོན་དུ་བྱུང་བའི་ཆོས་ཐམས་ཅད་མངོན་སུམ་མར་རིག་པའོ།། དེ་ཅིའི་ཕྱིར་ཞེ་ན།། མངོན་སུམ་མར་ཤེས་པ་ནི་ཡེ
416b6 ཤེས་ཆེན་པོའི་རྒྱུ་ཡིན་པའི་ཕྱིར་རོ།། དེ་ཡང་ཇི་ལྟ་ཞེ་ན།། ཆོས་ཐམས་ཅད་སྒྱུ་མའི་རང་བཞིན་དུ་དྲན་པ་མངོན་དུ་བཞག་ན་མངོན་དུ་གྱུར་པའི་ཆོས་ཉིད་ཕྱིན་ཅི་ལོག་པར་ཤེས་པ་ཡིན་ནོ།། ཆོས་ཉིད་ཕྱིན་ཅི་ལོག
iiif viewer powered by OpenSeadragon
