| e-texts navigator |
| Wylie |
415a1 གླུ།། ཐེག་ཆེན་རྨད་བྱུང་གསང་བའི་ཚིག། ཆགས་པའི་རྟོད་ཕུར་གཏིག་ནས་ཕྱུང་།། མཁའ་བཞི་དབྱིངས་ཀྱི་བདེ་ཀློང་ནས།། ཚོམ་བུ་འབུམ་གྱི་ཆོ་འཕྲུལ་འཕྲོས།། དགྱེས་མཆོག་རོལ་པའི་ཕྲིན་ལས
415a2 ལས།། ལ་ལ་ཤེས་རབ་ཐབས་ལ་རོལ།། ལ་ལ་ཐུགས་རྗེ་ལས་ལ་རོལ།། ལ་ལ་དགུལ་བྱའི་ཡུལ་ལ་རོལ།། ལ་ལ་ཡེ་ཤེས་དབྱིངས་ལ་རོལ།། ཐབས་ཀྱི་རྒྱལ་པོ་རྟོགས་པའི་དབང་།། ཆེ་བ་ལུང་གི་ཁྱད་པར
415a3 ལས།། རྒྱལ་བ་ཀུན་དང་མཉམ་པར་སྦྱོར།། རྡོ་རྗེ་པདྨ་རོལ་པའི་སྟབས།། ཆགས་མེད་མཁའ་ལ་གསལ་བའི་ཚིག། དུག་གསུམ་ཟིལ་གྱིས་གནོན་པའི་གླུ། འཇིག་རྟེན་རིམ་གྱིས་སྦྱང་བའི་ཕྱིར།། འཇིག་རྟེན་ཁམས
415a4 སུ་རོལ་པ་བྱུང་།། འཇིག་རྟེན་དྲུག་གི་སྙིང་ལ་རོལ།། བདག་པོ་གཙོ་བོ་ཟིལ་མནན་ནས།། འཁོར་ནི་སྙན་པའི་ཚིག་གིས་བསྟེན།། འཁོར་བའི་ལམ་ལྔ་རྒྱུད་བཅད་ནས།། རྣམ་ཐར་ནམ་མཁའི་ངང་དུ་བསླན།། གར
415a5 མཆོག་གློག་ལྟར་འགྱུ་བ་ཡིན།། རྨད་བྱུང་གསང་བའི་དཀྱིལ་འཁོར་ནས།། ཡི་གེ་འབར་བའི་ཆོ་འཕྲུལ་འཕྲོས།། འཕྲོ་འདུ་སྐར་རྟར་འཁྲུག་པ་ལས། ཁམས་གསུམ་བུད་ཤིང་ཐལ་བར་རླགས།། རྡོ་རྗེ་བུ་ཡུག་སྐར
415a6 མདའི་སྟབས།། རྡོ་རྗེ་འབྲུག་ཆེན་ལྡིར་བའི་གླུ།། དོན་གྲུབ་རྡོ་རྗེ་གསང་བའི་ཤིག། གདུག་པའི་དབུག་རྣམས་རྣམ་པར་འཇོམས།། རྡོ་རྗེ་སྤྲུལ་པའི་དཀྱིལ་འཁོར་པས།། ཐབས་ཀྱི་བྱང་ཆུབ་སེམས་སྤྲིན་སྤྲོས།། དབང
iiif viewer powered by OpenSeadragon
