| e-texts navigator |
| Wylie |
412b1 བཟང་ངན་དེ་ཉིད་ནི།། ནང་དུ་ངེས་པར་གསལ་བ་ཡིན།། ཉེས་པའི་མཚན་བྱུང་མཁས་པས་མནན།། གལ་ཏེ་དྲི་བས་གླེང་སློང་ན།། དེ་ཡི་ཐེ་ཚོམ་གསལ་བ་དག། དངོས་པོར་སྒྱིད་ལ་ཞུགས་རྣམས་ཀྱིས།། མཚན
412b2 མར་རྟོག་པའི་འདི་དག་རྣམས། འཇིག་བྱེད་བཀའ་ལ་བཏགས་པ་ཡི།། འདོད་ཆགས་བདག་པོ་ང་ལ་གསོལ།། ཇི་སྐད་སྨྲས་པ་དེ་བཤད་ཀྱིས།། མཚན་མའི་རྫས་རྣམས་རྟོགས་པར་གྱིས།། འཇིག་རྟེན་མགོན་ཁྱོད
412b3 བདག་ལ་གསོལ།། བདག་ཅག་སྤྱོད་པ་གསོལ་བར་བགྱི།། སྣོད་ཀྱི་མཚན་ཉིད་བཟང་ངན་གྱིས།། ཉེས་དང་ལེགས་པ་འདི་ལས་བྱུང་།། སྐྱོན་གྱི་མཚན་མ་བདུན་པ་སྟེ།། ཀ་སྒྲུབ་པ་དང་གདན་ས་ལས་བསྐྱོད།། རྒྱུད
412b4 མི་འཕེལ་དང་མཚམས་སུ་གས།། བར་ཆད་འབྱུང་དང་བགེགས་ལྡང་བ།། མཚན་མ་ངན་པ་འབྱུང་བའོ།། འདི་དག་མཁས་པས་ཡོང་མི་འཆང་།། ལེགས་པའི་རྒྱུ་ནི་བཅུ་གཅིག་སྟེ།། གསུམ་གྱི་དངོས་གྲུབ་ཐོབ་པ
412b5 དང་།། རིག་འཛིན་ལམ་འགྲོ་ནམ་མཁར་འཕུར།། ཁམས་གསུམ་དབང་བསྡུ་རྡོ་རྗེ་སྤྱན།། ཕ་རོལ་གཡུལ་ཟློག་ཟིལ་གྱིས་གནོན།། མཐུ་དག་བྱིན་བརླབས་ཚེ་འཕེལ་དང་།། མཚན་མ་གསལ་པོར་འབྱུང་བ
412b6 དང་།། སློབ་མ་ཆུ་ཡི་རྒྱུད་འཕེལ་བ།། དམིགས་པའི་བསམ་པ་འགྲུབ་པ་དང་།། ཕྱི་མར་སངས་རྒྱས་མྱུར་བ་དང་།། དངོས་གྲུབ་རྣམ་གསུམ་ཐོབ་པ་སྟེ།། སྨོན་ལམ་བཞིན་དུ་འགྲུབ་པའོ།། དེ་ཡང་བྱེ་བྲག་འདི་ལྟ
iiif viewer powered by OpenSeadragon
